[شذى الريحان]

عساف ربي يسعدك كلامك جميل الله يرحمهم ويعوضهم في جنات ونهر

ممكن اضيف علشان يصير الموضوع اروع
قصيدة في بعض شباب هذا الزمن نسأل الله السلامة





وجدي على اللي شوفهم يشرح البال
كـرام النفـوس أهــل العـقـول الثقيـلـه

كـرام النـفـوس الـلـي يـربـون الأجـيـال
عـلــى الـمـكــارم والـقـيــم والنـفـيـلـه

نطـاحـة الـواجــب شريـفـيـن الأفـعــال
افعـالـهـم مـــن كـــل جـانــب جمـيـلـه

اللـي لهـم فـي نجـد شهـره ومـدهـال
الأســــم فــاخــر والـفـعـائـل جـزيــلــه

صار العـوض فيهـم لنـا بعـض الأشكـال
جـيــلٍ طـلــع تـالــي جــديــدٍ مـديـلــه

جـيـلٍ الـيـا شـاهـد لــه المـيـل مـيــال
ومـن ويــن مـاجـات العـواصـف تشيـلـه

مـــن طلـعـتـه مـاهــو للـثـقـل شـيــال
ولا يــنــطــح الــكــايــد ولا يـرتـكـيــلــه

دايـــــم سـوالـيـفــه بـيــجــر وجـــــوال
وسـوالــف المـاضـيـن مــــا تسـتـويـلـه

جـنـب طـريـق الأبـــو والـجــد والـخــال
وضــيــع ســــراه الله يـضــيــع دلـيــلــه

ليـا شـاف لعـاب الــورق جــاه بالـحـال
ولـعـب مـعــه والـتـتـن مـالٍــه يشـيـلـه

وان فـازوا أهـل المنتخـب صابـه أهبـال
وطـــــاح وزمـيــلــه قـــــال واعـزتـيـلــه

كنـه صويـب الحـرب مـع ربـعـن أبـطـال
تطـلـب لــه الأسـعـاف حـتـى تشيـلـه

ساعـة وقــع قـالـوا تــرى طــاح رجــال
مـــا يعـلـمـون أنـــه دبـشـتـن هـزيـلـه

هـزيـل عـقــل ومـــخ وأفـكــار وأفـعــال
والـلــي مـثــل هـــذا حـيـاتـه فشـيـلـه

طـبـايـعٍ مـــا جـابـهــا الــعــم والــخــال
جتـنـا مــن أصـحـاب الـطـبـاع الـرذيـلـه

حــنــا طـبـايـعـنـا الــكـــرم والـتــهــلال
الـيـا نصـونـا اهــل الـسـلـوم الأصـيـلـه

وحنـا العـرب يضـرب علـى فعلنـا أمثـال
بشـجـاعـةٍ فـالـحـرب مـاهــي قـلـيـلـه

يعيـال أهـالـي نـجـد وش غـيـر الـحـال
عــودوا الــى الـتـاريـخ وخـــذوا دلـيـلـه

المـرجـلـه مـاهــي بـأغـانــي ومــــوال
ولا شـــريـــط افـــــــلام ورد بـحــيــلــه

شومـوا عـن أصحـاب الحيـل والتحـيـال
وأبـنـوا لــدرب الـعــز صـفـحـه جمـيـلـه

والـحـر مــا يـصـلـح مـــع الـبــوم نـــزال
يـشـهـر ويلـقـالـه أحـــرارٍ تـجــي لــــه

عيـب وحـرام وعشـرة المحـروم غربـال
والــلــي مــحــرم مـايــجــوز تـحـلـيـلـه

يابـن الحمولـه ليـش تنـزل مـن الـعـال
وتـتـبـع دجـــاجٍ منـعـثـر فـــي مـقـيـلـه

لاتنـزل أنهـض فــوق عــن كــل دجــال
مـالـك ومــال أهـــل الـعـقـول العلـيـلـه

يـا وقـت يـا وقــت العجـايـب والأهــوال
يـالـلـي وصـلـنـا بـــك طـبـايـع دخـيـلـه

وصلـوا علـى المخـتـار والصـحـب والآل
عــداد مــن شــاف القـمـر مــن قبيـلـه