بعض الخلايق صحبته ترفع الراس = يفرض عليك محبته واحترامه
تلقاه لأصحابه منار ومقباس = صادق وعود بصحبته والتزامه
يمشي مع اصحابه على قن وقياس = ويقدر الصاحب ويرفع مقامه
والا البعض مافيه مبدى ونوماس = ياسرع روغاته وسرع انهزامه
اصل الصداقه ما بناها على ساس = عند المواقف ما تقله عظامه
والناس واجد لكن الفرق بالساس = المرجله باهل الوفا والزعامه
والكل له عند الرجاجيل مقياس = ولا كل رجال لبس له عمامه
يقوله اللي من زمانه شرب كاس = راعي تجارب ما براسه غشامه
حافظ مقام الناس في كل مجلاس = يقدر المجلس ويوزن كلامه
راشد الجمعان ( المحيط )