المشاركة الأصلية كتبت بواسطة شذى الريحان
السلام عليكم ورحمة الله وبركاته جدتي كانت مشغولة طول رمضان للعبادة والطبخ والنفخ ونسيت تكيتها مسكت في رقبتها وقلت لازم تقولي اي شي عن رمضان قالت لي اقولك كيف كانت ورقة مقاضي رمضان قلت هاتي ياستي :: زوجة تقول لزوجها خد عندك مقاضي رمضان هات لي قرنفل وخولنجان وهات معاك شويه طحينة وإبزار شربه وشربة حب وهات مفرومة ولحمة سمينه وجيب كرَّات وحزمة شبت وهات بقدونس ولاتنسا هات كمون وملح ليمون وفلفل اسود بس مطحون وهات لي كادي وهات ما ورد وهات مكرونه ابو تلفون وهات لنا بصل وتوم وأما الصلصه جيب كرتون وهات لي خميره وإبزار عيش وهات لي بليله وزيت زيتون وروح الموز وشوية لوز وجيب كنافه وسن عجوز وجبنه بلدي وقرفه وهيل وكمان سكر وهات لنا موز وجيب سقدانه وقمر الدين سقدانة نوع من انواع الحلى مشهور في مكة وجيب لنا ططلي وجيب لي دقيق وألماسيه وكم زبديه هذه هي الالماسية وجيب شربيت لفكوك الريق ( توت او فيمتووو ) وجيبلنا تمره وجيب لنا بيض وجيب لنا رز نسوي سليق وإيش شي تاني يابنت أماني؟ جيب لي معاك حلبه يماني وشعيريه وجيب لي حليب ايوه وجيب مستكه سلطاني لتبخير الكاسات [ALIGN=CENTER][TABLETEXT="width:90%;border:7px groove crimson;"][CELL="filter:;"][ALIGN=center] من العادات الرمضانية الحجازية تبخير الكاسات والمغاريف ببخور المستكة وبعدها تذوق فيها أطعم زمزم خصوصاً لو كانت كاسات تُوتْوايعني معدن [/ALIGN][/CELL][/TABLETEXT][/ALIGN] ووي يقطعني نسيت الشاهي بس يا مبغى أزيد غير القعقع ووحده قلاده قلادة بلح يعمل بها الدبيازة وهي اكلة حجازية لايام العيد للدبيازة عشان العيد رد عليها الزوج ليه بس تجي كده على نفسك !؟ قولي وكل الكون يرخص لك قولي أجيب لبن العصفور وهوااااااا أروح وأجيبو لجلك دا أنا يبغالي البنك الأهلي أحسن شي نصوم عند اهلك