[شذى الريحان]

كح كح





كحة جدتي


كنت جالسة اتقهوى مع جدتي المرحومة
من ثلاجة القهوة الترمسة





جات سيرة القهوة وكيف كانوا يسووها وكيف يطحنو الهيل وكيف يحتفضوا بحرارتها
ماكان عندهم غير الدلة ورايحيين وجايين على المطبخ يسخنوا فيها






تقول اول ما جاتهم هذي الثلاجات كانت تحطها على نار هادئة تحسبها زي الدلة المعدنيية تتحمل الحرارة

لقيتها فرصة مناسبة
سألتها عن الاوائل
اول مرة شافوا فيها التلفزيون او سمعوا الراديو



قالت لي بالنسبة للتلفزيونات
كان لما يظهر المذيع كنا نغطي وجوهنا ونتنقب نحسب انه يشوفنا زي مانشوفه
وارعبهم الراديو كيف ممكن لصندوق خشب يتكلم
اما السيارات حدث ولاحرج

تقول سمعت من جارتها البدوية
لما زار الملك عبداالعزيز رحمه الله احدى مناطقنا من كرم اهلها
قدموا البرسيم للسيارة يحسبوها كائن حي زيها زي الحمار والجمل
والبعض كان يربط سيارته زي الحصان يخاف عليها تروح تسرح وتمرح
واتذكرت احد اقاربها وانه اتعود على السيارة
وكان يروح ويجي بها لكن لما تحركت المساحات يمين ويسار
ماعرف يوقفها ربطها بشماغه
وبعضهم كانوا يقولوا عن السيارة جنية





يقول رجل الاعمال الشيخ حمد الجميح
عندما دخلت أولى السيارات إلى المملكة استغربها واستنكرها الناس
لبساطتهم ولندرة الاتصال بالعالم الخارجي ومنهم من قال " حديد يمشي "
، ومنهم من وضع أمامها البرسيم لظنه أنها تتغذى على البرسيم أو النباتات كالحيوانات
ولكن سرعان ما ألفها الناس وأصبحت جزءاً من حياتهم .



ضحكت واتنهدت من قلبي على بساطتهم وطيبتهم ياريت زمانهم يرجع




وعدت لمتصفحي في التويتر ومتابعة حملة
#قيادة_26_أكتوبر.
وهي حملة لنساء وناشطات سعوديات

هذي الصورة خلتني اقارن بين زمن جدتي وهذا الزمن









يتبع