[عبدالرحمن الزهراني]

[align=center]سلام الله على زهران ربعي عامه قبيله قبيله وبيت بيت ورجال رجال
ويستاهلون المدح زهران العناصي ورجال يرفعون الراس في كل موقف
وهذه قصيدتي وتشرح نفسها ....

مع خالص شكري وتقديري

[rams]http://www.quraish-z.com/vb/uploaded/138/1204213279.mp3[/rams][/align]
[poem=font="Simplified Arabic,6,undefined,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
قـُلْ لزهران العظيمه رقينا النايفات=يوم كلٍّ عن حمى المجد ناخت ناقته
يوم بقعا .. تحتلج والرقاب منكّسات=ولْدَنا يبدي على القوم تذهِل قامته
في يمينه للمحدّش نقا .. للمِكْربات= مطلق ٍ ما خانت (ام احدعش) ولافته
ما خطا بارودها ضربته .. و(الميزرات)=ترتقي في طولها عن قصيره عابته
و(ام خمس) اللي لها فاقتْ (المتنيمسات)= وارد البلجيك صُنْعه وختم مهارته
يا شجيع ٍ ينقل (المَدْك) في عز وثبات=(نافعيّه) وسط محزمه رمز أناقته
جت على فاقه وحشمه رضا متولّمات=بالمحازم كنّها جيش حول فخامته
ويوم قِسّام الشيّم قال ابونا هات هات= دونها راسي وصدري وجت له ثابته
شيخ " وراسه صليب وفعوله كايدات=لو تشوف الجن ساعة يغطرف هابته
افتخر وافزّ شيمه لراعي المكرمات = واحتزم واشوم عـ اللاش نفسي شانته
من خلقنا ما رضعنا حليب النايدات=اصلنا مثبوت واعراقنا جت ثابته
(قـُم وصِل وافرح) بنا في حزاز النايبات=من يظام وكل زهران ربعه لابته
يا سلام الله سلامِ على اهل الموجبات=والكرم والجود والطيب جا في ساقته
من فواد ٍ صاغ روز البيوت المحكمات= في شغاميم ٍ سلاطين .. يرفع هامته
جيتكم شاعر ولي فالهجوس مونّسات= ما يخون الشعر لا من وردت حياضته
لنّ شعري لو تسامى عنا والا سمات=في سواكم ما يقنـّد ولا له خانته
يا المطاليق القصايد تجي متفاوتات=كل نبض ٍ طاق والله يعلم حالته
لكنْ الليله بذا الطرق حدّيت الجهات=كلها زهران .. هيض ٍ شربت زلالته
اتقهوى م المعاني دلال مبهرات=صبّ موتي ما تعنّيت رد بيالته
والله اني آردك وانا على الميراد عات=مثل سيل ٍ فزّع البحر نقل ادقالته
بين هوج سنينها والعجاف المجدبات=للمعاني روض ما جفّ نبع اصالته
لكن احيانا لعظم الحدث والمنجزات=يستحيل البدع من جودته وجزالته
افتكر في اللي مضى والسنين المقبلات=من فوات الوقت خذنا عظيم فواتته
يوم كل" في حمانا يجي بمحالفات=يستكنْ من جور الايام .. يلقى راحته
لين جا نور البشر لمّ شمل ومبهمات=واوقد التاريخ نور ٍ بنور اطلالته
ما رضى للميمنه غير زهران الثبات=وذاك يكفي بعد الاسلام مجد ٍ نالته
ثم تتوالى علينا من الله الهبات=بين ملك وعلم وابطال حرب وسادته
لين جا للترك ميدان فيه المعجزات=وانتخى بخروش واي( بَسْل) وقع اجادته
ثم جا بعده عصامي وراعي ملهمات=بالرّقوش البرق يلمع بكف شجاعته
صيرمي بتّار فارس شكته المُسْرَجات=في حمى عيسان بانت فنون براعته
دون تقليل ٍ بفعل الرجال الزاكيات=والقبايل كلها رهن مجد ٍ حازته
بس حنّا غير والله ورب الصافنات=لا تلوموني وقلبي شَرَعَ بإفادته
لجل ذلك ما ندوّر لغير الوافيات=وكل مخلوقٍ بفعله وقدر إرادته
ما على الشاطي حسوفه ولا مجده بتات=ما ندوّر مجد تلفيق من لمّاعته
العلا ما هو بكرسي وصفّ مدرّجات=ما نسوم الدِّين لو غيرنا قد سامته
اختلط فيه الرجاجيل جَنْب المترفات=وابتدى قول ٍ من الزور نفسي عافته
لا رياح الشرق تغري ولا غرب الشتات=ولا رجوم الحظ هقوة وفا شمّاعته
من تعلّى في المعالي فلا يرضى الفتات=ومن غصب نفسه على الطيب غصب اشتالته
دمّنا بالمسك مخضوب عالمترديات =ما ندوّر جاهة المجد واحنا جاهته
من قـَصَد سمعه وبَرْوَز لنبضه لا فتات=قال يغتال المعاني .. خَبَل واغتالته[/poem]

[align=center]صليب الراس[/align]