[بحر القوافي]

ابن مسفر يقول حسبي على ذالـزمان الجاهلي:
سارضدي وانا وياه سرنا خصوم وفي دعاوي:
كل ماجيت يوم افـرح يقول انت محور للهموم:
كنه ما شاف عالبيداءمن الناس غيرانا لحالي:
قلت له يازمن دور لغـيـري وخـلـق الله كـثـيـر:
قال انا اتابعـك زنقه وزنقه على قـولـة معـمـر:
لين أجننك يا شاعربني يؤسّ واصل بك شهار:
قلت سو الـذي تـقـدر تسويه في روحي وقلبي:
لكـن لا تـبعـد أصـحـاب وانا يا زمان احتاجهم:
قـال خــذنا ثـلاثـه والـبـقـيـه نجيهم دور ثـاني:
يا ابن زهــران لا تكثر علينا الـدعاوي والتهم:
قلت له حسبك الله لا تقول ما خذيت الا ثـلاثه:
والذي يا زمان اقفى من أصحابنا عدات الوف:
قال ماني بمسئولآ عن احباب قلبك ياابن مسفر:
روح دورعلى احبابك ودور رضاهم وارضهم:
قلت له صبت هذي يازمان الشقاءوالمظلمات:
لكن وشرايك إلّي يازمن بالحياة جانا بضلماء:
قال صـده وخـله يـعـتـبـر كـان له قـلبآ رحـوم:
قلت وانكان في راسه عنادآ وعنده قلب قاسي:
قـال هـذى البلا لـكـن لا بـد لـه يــوم(ن) يلين:
قلت هذى تناقض منك وش غـيـرالمنهاج لوّل:
والا ودك تجاملني معاهم وانا قلبي حــــزّيــن:
قال انا يا ابن مسفر لا عطوفآعليك ولا مجامل:
غيرهذي السراحة ضقت من علمناوالارضيت:
قلت طيب وش المقصودبالصحبه معهم الصداقة:
قال يا مخبلك يالّي تقول ان في الدنياء صديق:
قلت له كيف وضح يالزمن فاتني معنى كلامك:
لا يكون الصـداقـه اليوم تغلب عليها المصلحه:
قال هذى هو الواقع ومن قال غـيـره ما صدق:
قلت لا والله الا صدق عشنا وشاهدنا العجايب:
نصف مليّون راحت في كفاله عن اولادالحرام:
قال لي الهجرة بالمجان تعطي بني يادم دروس:
الله ياكم عطتنا من دروس الحياة ولا أعتبرنا:
وانت دوبك تقل هيّه أعـتـبـر يا زماني وأنتبه:
والصديق الذي يوعد ويخلف ولايوفي وعوده:
سامت اكبادنا من كـثـر كـذبه وشابت روسنا: