نسيم وش عندك مسنتره هنا .. كل هذي خرمه
شكلك في العمل الحين .. روحي تقهوي مع زميلاتك حسبي الله عليهم ضيعوك بالقهوة والحلى
طريقتك صراحة طريقة منتازة جهدا
وهي طريقة الماما الله يحفظها وحنا قاعدين نتوارثها منها جيل بعد جيل
انا ياروعه كانت قهوتي تقول امي ان ماينبصم عليها من مرارتها
يوم كنت ادرس بالمتوسط لاني بهذيك الفترة توني اتعلم اسوي قهوة واخذت بالتهزيء لين صرت قهوجية وصبابة وكل شي في البيت ولا يشربون الا من يدي وخاصة الشاي
بس من تجارب مريرة مع القهوة اكتشفت شي وهي معلومة مفيدة ودي اخدمكم بها >>
ان كل مازاد طبخ القهوة كل ماكانت مستوية وطعمها رهيب بس لا يزيد عن ثلث ساعة واحيانا ربع ساعة
واهم شي لاتحطين عليها الزنجبيل اثناء الطبخ لانها تصير سمراء وكنها "محويه" من زمان وهي بالترمس
وابتعدوا بعد عن البهارات الجاهزة .. انتوا اعملوها بالبيت بالنكهة اللي تحبونها والزعفران يفضل يكون لحاله مو مخلطوط بشي ثاني مثل بهارات القصيم وطقتها
حطيه لو تحبينه مع الهيل قبل صب القهوة بالترمس .. وبالهناء والعافية وشكرا للاخوان والاخوات اللي ماقصروا بتجاربهم بصراحة انا بعد استفدت .!