[صالح بن فارس]

بسم الله الرحمن الرحيم

بعد الغياب

لا بد من الجديد لقلوبكم الطاهرة ..


[poem=font="Simplified Arabic,5,,bold,normal" bkcolor="transparent" bkimage="" border="none,4," type=1 line=1 align=center use=ex num="0,black"]
على بالك تصدين وأجي لك خاضع اترجاك = تبين اليوم تجفيني وأقول ارجوك لا تجفين
سلامة شوفك وفهمك ترا ما عدت والله ذاك = إلامنك تنادينه يجي لك لو تروحي وين
تغيرتي ولا أدري وش اللي غيرك وش جاك = وكن الذي بيني وبينك رد حق ودين
ولا كني تحملت الألم في غيبتك وجفاك = ونا اللي بالهوى صاحي ولا لي غمّظت عينين
كفايه إنك على بالي ولا فكرت يوم أنساك = كفايه إني أعيشك حلم من صغري إلى والحين
تقولي آسف وربي تعبت وما قدرت ألقاك = وأنا ساكن بوجدانك على شعرك على الخدين
سهرتيني ضوا عينك رقدتيني دفا ممساك = شهقتيني وتنهدتي ما بين الضلع والجنبين
تشوفيني بنظراتك تقوليني ما بين شفاك = تشميني ورود العشق لا من جيتي تشمين
تعيشيني بأفراحك بضيقاتك بوقت رضاك = تهليني مع الدمعه مع قطرة عرق بجبين
معا هذا تقولي لي أنا آسف بعيش بلاك = سأمت الحب واسنينه سأمت الشوق بين اثنين
أثاريني أعيش الوهم في ذاتك ولا أهناك = لهاني برزخ ٍ خداع وأبهر بالحلا جفنين
ولكن بانت اللعبة وزال الوهم والتشكاك = ولا عد ينفعك كذبك وأسلوبك حفظته زين
خلاص إنتي أبد روحي ولا عد بتبعك بخطاك = وأدت الحب من بعدك ولحدته على الجنبين[/poem]

وسلامتكم

؛؛؛