[بريق السيف]

حبيبتي
حبيبتي لويجتمع بندر الشام
واهل الكويت وساكنين المنامه
اني على فرقاك ماني بعزام
لين الجمل يمشي وحدره سنامه
يابنت ياعمري ويازهر الايام
مالك شبيه الا القمر في تمامه
من لهفتي جيتك وانا طير حوام
والحر صيده يرتقي من مقامه
خليني الثم فم الايام بالثام
واطرح شماغي وشيلتك واللثامه
واضم جسمك ضم يابنت ضمام
حتى نظام الضم جاز انضمامه
ونبحر على متن البحر عشق وهيام
وكلا يسولف عن هواه وهيامه
قلبين ماتعرف قوانين ونظام
في عالما كلا يحدد نظامه
ماهو بعالم للسيا سه والاحكام
هذي لها قانو نها واحتكامه
حنا نعيش الحب بعيون الايتام
طموحنا يابنت نلقى ابتسامه
والا نعيشه مثل ريشه ورسام
وتظهر رسومات البراءه وسامه
حبيبتي في غيبتك صرت ماانام
وقلبي على شانك يزيد اهتمامه
اهواك واعني لشوفتك الاقدام
حتى ولو دارك بوسط المنامه
لاني على فرفاك ماني بعزام
يانورعيني ياغلاي وتمامه