[جـــبل هــــادا]

--------------------------------------------------------------------------------

البدع/خــــالــــد رجـــــــــب

الله ياكم حدنا نخطي ونتعوذ مـن الشيطـان

نرتكب في اليوم مية ذنب ونخطط لمية حيله

وإن بغت تصحى ضمايرنا رجعنا في سباتنا

السنتنا ساخطه واقلوبنا غُلف ونوانـا شينـه

مجتمع غيبه وقـال وقيـل لاحيـاه مجتمـع

انتقدنا الشمس والبدر انتقدنا طلعته وغيابـه

خل عاد الناس حدث عن بطولتنا ولا حـرج

ما سلم منا السقيم ولا سلم منا الصحيح العالم

والطفوله رغم حسن الطبع شوهنـا جمالهـا

ورمينا المحصنه بالبغي واشهدنا عليها زورا

وادعينا المعرفه والعلم بالاحداث والتأويـل

المصيبه انا نزكي ارواحنا ونقول غصب عنا

لو ماهو الشيطان ما اذنبنا ولا اسودت قلوبنا

نتهم الشيطان والشيطان قال إنه بـري منـا

دلنا للشر لكـن مـا سحبنـا مـن رقابنـا

-----------------------------------------------------------------
(الـــــرد/ جــبـــل هـــــادا)

الله الله ياولـد دوس اسمعـك لاهنـت ياذيبـان

كلنا مخطين وان جانا مناصح صـم مانوحيلـه

مانفكـر فـي العواقـب لاولا نصلـح رداتنـا

مستحيل انا نحاول ونتجنب كـل كلمـه شينـه

ليتهـا تاجـي علـى كلمـه بشينتهـا وتنبلـع

ماسلمنا من لباس ابليس نتقيـس بقيـس ثيابـه

ماتركنـا لـه صفـات الا اتبعناهـا بلاحـرج

كيف وانحن مسلمين وسمعة الاسلام فوق العالم

مثل فلاح(ن) يدير الزهر مايعـرف جذورهـا

عندنا كل المصالح واكل حق الناس واشهد زورا

هذا تمثيلي وتخييلـي ومقصـودي بـلا تقليـل

والله اللي يعلم الاخبار ويـرد المصايـب عنـا

مادرينا عـن قلـوب النـاس يالله فـي قلوبنـا

لكن الله غافر الزلات يغفر كل ذنـب(ن) منـا

دلنـا للخيـر يامعبـود واعفـو عـن رقابنـا
دلنـا للخيـر يامعبـود واعفـو عـن رقابنـا