المشاركة الأصلية كتبت بواسطة نسيم السروات
هلا كت كاته يامرحبا بك يايخته والله لنور البيت والأخت نور الجنوب مدري وش معها من أمسي ماتقول ولا كلمة أبغها تهرج أبغاها تفتح شفاتها لو بكلمة مافيه فائدة الله الله ياكت كاته والله أيام حلوة أنا مثلك كنا نروح الصيفية نقضيها في الديرة وكانوا بنات الديرة أكثر نشاط وقوة كانوا يشيلون كراتين الرمان على رؤسهن ويوصلونها من المزرعة إلى السيارة في مكان بعيد جيت مرة اسوي زيهم وشلت الكرتون على رأسي وجاني دوخه وطاح الكرتون من فوق رأسي وتنثر الرمان وضحكوا عليه البنات ومرة شفتهم يشيلون المقاضي من السيارة حتى أكياس السكر والرز والدقيق يشيلونها على ظهورهن قمت أقلد أبي اسوي شاطره زيهم شلت على ظهري كيس رز وبركت على ركبي وصار كيس الرز فوق ظري فجرني وأنا تحته طائحة غديت ضحكة للبنات وحلفت ماعد اسوي نفسي شاطرة وأنا من جنبها . أقول يابنات نسيت أجيب القهوة باروح أجيبها وطوق أن شاء الله جاية .