قلت الوداع وجاوبتني دمعة العين
[align=center]
قلـت الـوداع وجاوبـت دمعـة العيـن
تـجـرح بساتـيـن الـخـدود النـديـه
وأغضت..وشفت بعينها الحـزن حزنيـن
وصاحت علـى الفرقـا أنا مـو قويـه
وجاوبتهـا أرجوك ..تكفـيـن تكفـيـن
والله دمـعـك يشـعـل الـنـار فـيّـه
وقـالـت تعاهدني..عـهـاد المحـبـيـن
الله يـخـون الـلـي يـخـون بخـويّـه
قلـت ابشـري واللـي خلقـك لاتظنيـن
حـرااااام ماغيـرك عشـقـت آدمـيـه
وقصّت شعرها...قلت أنا..وش تسويـن
قالـت أبي ..مـن غرتـي لـك هديـه
ونادتنـي الغربه...علـى الهـم والبـيـن
احسّـب الأيـااااام... روحـه... وجيّـه
وفـي كـل ليله...ترتسـم بيـن رمشيـن
خيالها...بـيـن الـرمـوش... الشقـيـه
غربـة سنه...فـي ذمتـي غربـة سنيـن
متى علـى الله.. يلتقـي الحـي... حيـه
خلاص...هانت...مابقـى غيـر يومـيـن
خلالالالاص ... قفّت..غربـةٍ جرهديـه
ورجعت....شوقي في خفوقي... براكيـن
ورجعـت أنا... كلـي لها....جاذبـيـه
وسألت ما ردّوا...وأنا أصيح هي..وين !!!
وكلٍ نثر... مـن داخـل العيـن... مَيّـه
وفـي معمعـة حزني...تلقيـت رمحيـن
قالـوا تـوفـت ..غافلتـهـا ...المنـيـه
وفـي غرغرتها...ماذكرت...غير حرفين
تشـهـدت .... بسـمـك... شـفـاه البنـيـه
وتزاحمـت فـي داخلي...ألـف سكيـن
والحزن..يطـويـنـي ثمانيـن....طـيّـه
صدمه..وجابتني علـى الأرض..نصفيـن
وشلـون راحـت دون... ذنـب وخطيـه
تكفون....دلونـي علـى القبر..هالحـيـن
مـاعـااااد فيـنـي للصبر....مقـدريـه
ووقفـت أطالع .... قبرها بيـن نصبـيـن
وجلست..أضم أغلى النصايـب عليّـه
وأصيح....وش بك يا غلا.. مـا ترديـن
اشتقـت.. همس..إشفاهك...النرجسـيـه
وش فيك...جيت من السفر...مـا تهليـن
ماهي بلك عـاده....ولا انتـي... رديـه
وحاولت في لحظة جنون...اجرح الديـن
وازيـح تـربـة قبرهـا....فـي يـديّـه
وبالغصب شالوني...حشـا تقـل مسكيـن
واصـرخ بهم...والله...والله والله حـيّـه
اقفت...وتاهـت بـي جميع..العنـاويـن
والحـزن يلعب...داخلـي ....سامـريـه
ورجعت لـدروب الشقـا.. قبـل عاميـن
مدري من اللـي صـار.. فينـا ضحيـه [/align]
|