[سفير الدار]

فـــي غيبتك..غيـبـتـك أكـثــر مـواضـيـعـي
لا والله..ألا غـيـابــك كـــــل مـوضــوعــي

الـمـهـدي المنـتـظـر كـنـك..وانـا الـشـيـعـي
بس أنتظـر رجعتـك يومـي علـى اسبوعـي

أن كـان قـصـدك يـااعـز الـنـاس ترويـعـي
فلـيـشـهـد آلله بــانـــي مــنـــك مـفـجـوعــي

وان كـان قصـدك يـاروح الـروح تطويعـي
تـعـال وامــرك عـلـى راســـي ومتـبـوعـي

يـاوجــد حـالــي عـلـيـك وكـثــر تـلـويـعـي
ويامضعف النور في الظلمـه مـن شموعـي

بعثـرتـنـي بالـجـفـا والـصـعــب تجـمـيـعـي
لـيـن أختـلـف شكلي..ومضموني..ونـوعـي

واسـهـرت عـيـنـي وخـلــق الله مهاجـيـعـي
وشلون أغمض وانـا راسـي علـى كوعـي؟

يـهـتــز فـنـجـالـي وتــرجــف أصـابـيـعــي
إذا ذكـرتـك وانـــا جـالــس مـــع ربـوعــي

عـطّـلـت تـفـكـيـري وعــطّــل مـشـاريـعـي
وصرت أنت..بس أنت تفكيري ومشروعي

وش مصلحـة حسـنـك أن جـفّـت ينابيـعـي؟
وحسنك في صحرا الغلا والشوق ينبوعي!

ولاّ وش الـفـايـده مـــن كــثــر تـجـويـعـي؟
وشوفك غذا عينـي وبعـدك سبـب جوعـي!

مـاقـسـى مـــن فـراقــك ألا يـــوم تـوديـعـي
ماكـنـك الـلـي خــذا قلـبـي مــن ضلـوعـي!

غــيــم الـمـواصــل يـذكّـرنــي مـرابـيـعــي
وريــح المـفـارق تـذكـر عـيـنـي دمـوعــي

فــي دفـتـر الضـيـق لـــو تـلـمـح تواقـيـعـي
دريــت بـانــي مـــن الـسـجـات ممـنـوعـي

أضـيـق مـاهـوب مـــن كـيـفـي وتشـريـعـي
ومابـح صـوتـي لــو انــه كــان مسمـوعـي

تــعــال والـحـقـنــي وعــجـــل بتـسـنـيـعـي
أنـــا لـحـالـي عـــن التـسـنـيـع مـقـروعــي

أبخـتـصـر فـــي مـواصـيـلـك مـواضـيـعـي
لـو أنــك أن جـيـت ولاّ غـبـت موضـوعـي