[أبو ليان]

[font=Courier New]هنا تكملة قصة ابي نواس
ذكرنا في السابق عودة اخوابونواس بدون براطمه ، اللي قطعها العم فلاح
ولاحظوالان ابونواس وهويذهب للاخذ بالثأر

سافر أبونواس حتى وصل ديرةالعم فلاح وقابله في الطريق وقال وش عندك يا ولد ووش تتدور
قال انا ادور عم لي اشتغل عنده ، قال له وصلت انا عمك فلاح اشتغل عندي قال طيب يا عم انا اشتغل عندك ولا بغي منك شي ظهري ببطني قال وازيدكمن العشر قال لا لكن معي شرطا مليحا من ضاق قطعنا براطمه انسط العمفلاح وقال اتفقنا
طبعا ستقتصر مهمةابونواس الان وكما سنلاحظ على اغضاب العم فلاح

المشهد الأول :


..



واصل


..




العم فلاح يوصي ابونواس أن يسرح مع عمته بالجمل ويحملونه حطب
ولكن انتبه يا ولدي اذا مال الحمل اهويتعب الجمل لا يميل
اذا مال خذ عودا شواصا وشده في ظهر الجمل من الناحية الاخرى حتى يعتدل الحمل قال طيب يا عم ابشر لا تعلمني اعرف كيف !
سرحو وحملوا الجمل وميل الحمل والا والجمل يرغي من التعب
قالت الحرمة اشمعه يرغي يا والد قال بسيطة وخذ ذالك العود الصلب وطعنه في بطن الجمل وضربه بقوه الين طار من الجهة الاخرى ولا وصل الجمل البيت الين طاح وقام العم فلاح يسعى قال ياولد وش سويت قال والله ما ادري اخاف الشواص اللي قلت عليه اتعبه ولمح والا وهوذبحه وقام نحره وقال ياولد ذبحت الجمل ما هو تا الضيعة قال والله انت اللي قلت ليه ... لا يكون ضقت يا عم قال لا ما ضقت بسيطة يابونواس ما عليك .


المشهد الثاني



..




واصل




...




يوصي العم فلاح ابو نواس ان يسرح بالغنم وينبه لا جاء الذيب لا يخاف ارمه بحجر كما ذي الحجر اللي تراه ولا يعود الذيب الا يشرد
ويوم وصل الجبل جاه الذيب وترك الغنم وانطلق البيت
يا عم فلاح يا عم فلاح ..... قال اشبك يا ولد قال الذيب عدا في الغنم ولا لقيت كما ذاك الحجر فين الحجر اللي وريتنيه البارح قال كيف ؟ قال الحجر اللي تقول ارم به الذيب ما ليقت زيه ورنيه ؟ والذيب عند الغنم قال ايوه وانطلق ابو فلاح ومعه الصبي الين وصلوا وجو وهو ما قصرعليها قال اويه يا ولد ذا القصة قال يا عم ما لقيت كما الحجر قال وانا ما قلت الا خذ اي حجر ما عنيت الحجر نفسه قال لا يكون ضقت ياعم قال هاه لا ما ضقت وانا ابوك هذا المكتوب علينا .



المشهد الثالث :



..




واصل




..



يسرحه مرة ثانية بالغنم ويقول انتبه يا ولد معنا عينه ( انه لا كان ما ينبهه لشي كان احسن ما يسير الا ما ينبه عليها )
الا جا المطر لا تجي بالغنم خله تتغسل ما هلا كن روسها وخل الباقي ( يعني تحت الصخور او الشجر ) عاد وصاحبنا ما كذب بخبر سرح بسكينه معه
ويوم وصل الجبل جا المطر وقال ذبح الغنم كلها وحط روسه تحت صخره وراح يدفي مع الكهله اللي باقي يجرى سراها بعدين وقالت يا محلى ذا الجمر لكن معي فيه راس ذاك الخروف اتقذقذه قال اهي في الجبل روس الغن ، قال العم فلاح وش تقول يا ولد قال المغزوله تيه تقول لا كان معي راس خروفا اشتويه قلت اهي تحت الصخرة في الجبل قال وش العلم يا ولد قال المطر جا وكنيت روس الغن في الجبل وخرجوا يسعون ويوم وصل واللا والغنممذبحة وابونواس يقول ياغنم عمي فلاح تلقطي روسك وهيا الرواح
اويه يا ولد ذا الدله قال انت ما تقول كن روسها وخل الباقي يتغسل قال الا قال ما عاد اشكل قال يا ولد انا ماقصدت تذبحها - آنا لله من الصابرين - قال لا يكون ضقت يا عم قال لالا ما اا ضقت ..هيا خلاص خلنا نوزع اللحم ع الجماعة ...



المشهد الرابع




واصل




...



بقي الثيران


سرح ابو نواس مع عمه للسقي ( طبعا ما فيه الا شغلتين اما سق والا حول )

قال يا ولد آنا باقعد مع الثيران وانت خلك مع راس الماء ( يعني حوله في القصاب - كلما امتلت قصبة يعني حوض حول للحوض الثاني )

المهم ابوفلاح يسوق وابونواس يستقبل الماء الذي يجري في المجرى ولا يحول ولا يسوي شي يمشي مع راس الماء يتفرج وياخذ بالوصية

وطول العم فلاح وباح الماء من الير وتعبت الثيران

ويوم بدا وابو نواس ما هو في المزرعة كلها نزل الى اسفل البلاد او الركبان البعيدة والدنيا مليانه ماء

وصاح فيه وشمعك عندك يا ولد قال انا مع راس الماء ما تقول خلك مع راس الماء قال الا قال ها انا ما غريت به
قال يا بن الحلال ما هي ت الضيعة بغيت تحول في القصاب قال والا انت ما قلت الا خلك .. ها لا يكون انك ... قال لا لا ما ضقت

وفي اليوم التالي عكس الادوار قال انت يا ولد ما تعرف للتحويل سق وآنا باحول
وانتبه للحبل يمكن يقصر الا قصر خذ من جنوب الثيران ( يعني الحبل الزايد الموجود بين الثران )

وفعلا قصرالحيل وقام صاحبنا سلخ من جلد الثيران وربطها في الحبل والا والثيران تنادح
وفزع العم فلاح وشاف النظر وفهم الخطا الا فهمه الولد وقال ياولد انا اقصد تسلخ جلودها وانما اعني هذا الحبل اللسي تشوف قال والله ما وريتني لا كن لا يكون انك خذت في خاطرك قال لا وقام ذبحو الثيران وانتهت حياتها

وعشان طالت القصة وملت اكمل نهاية الكهلة وتوثيق الحادثة بقصيدة في حلقة اخرى والمعذرة ع الاطالة [/font]