[الجعفري]

البدع

خذت لي ثور(ن)على كل منزى وارقبا
يا محمد يوبخان
طاب لي في السوق حنه زريف ولونه اسود
لكن اما احتار فالمعملة والا شرد
الحذر منه الحذر
لا يتعقب لك بشر
والذي بتلقمه لو يكن تمسي وتصبح
ما بيشبع لو يكون الحمى فيض(ن)لها
باح زرعي والخلا
اختر الله لا يطمعكم الثور المحلى
دربه يومين واطلق سبيله والو له

الـرد :

انور السادات يوم الاحد زاور قبا
ومحمد أيوب خان
ليتني اني معهم وليس ابي طمعة والليس ود
ماخبلك مالناس ياذا تقول: اللاش رد
ان تغيب وان حضر
لاتعدونه بشر
طاري الصدة تعدى الجناح وبيت مصبح
والمناوير اسفرت وادرق في ظلها
شل عفشك والخلا
جاكم السيف الذي في وروده يلمح اللا
لا هوى فوق الكفر تسمع الا الولولة
=======================
البـدع :

طلبة الله سلامي يا قريش اهل ناموس(ن) وجود
مكرمي(ن) وحالي(ن) وجلحي وشعبي(ن) وجبلي
والعطاشين واهل الحصن واهل القريع وسلمية
وسلامي على دعوى العويذي وركبي(ن) وغازي
والعليان واللي في خياصة وفي دار المدان
والعبيدي والصقاعي ويا مرحبا باشراكنا
وسلامي على الرهوي وعا الكبري واولاد سالم
وبكيري وحمراني والابناء وذا من جبر جا
والصديري وبن سلطان واهل الدواير كلها
ما دريت ان ذا يمسي بكم يا قريش اصبح بنا

الــرد :

يا غامد ما علينا خلاف حد ابن مصبح في الوجود
وبعد بو طلال وسعد ذا يدروا ان الحق وجب لي
وانت ياذا تكذبني سل الفين والا سل ميه
والله مالي بتمر(ن) في نخيله لمتحوف وغازي
يحتموني دول غامد كما النحل الى دار المدان
وانت يا باغي الخدمة تفضل ويا بشراك أنا
والذي يخدم الاجواد فمن البلاء يا اولاد سالم
طلبتك يا جليل الملك يا رب يا من جاب رجا
والصحايا كثيرة ليت راعي الدوا يركن لها
يا سعودي ببن مصبح وياسعد بن مصبح بنا


البدع

خذت لي موتر وفيه الكفر مالي هوا
يوم كان وله مكان
عذب السواق لاقر مد(ن) وانصغى مد
واحسبه موتر صلنصيه من جد (ن) وجد
الله اكبر يالكفر
كم لي اصبر والقى مر
حسبه الله كل ماقلت ميده : في البرح رح
كفرة من كفرة تاعجزت اشتلها
موتر(ن) كله بلى
يا عميان انت جب لك حصان(ن) لاتقل لا
اطلقه واذا تعب في المراغة شيش له

الرد:

بو جعيدي قال في المخطية مالي هوى
كتبتي فاعلى مكان
وانا من غامد وياذا تكذب فانص غامد
ثم من شهمين الاجواد من جد(ن) وجد
ما غلبنا الا الكفر
من على سطح القمر
طاري الصدة تعدى ورى وادي برحرح
والجبال السامية لاتقل وش تلها
لاتطع كل اهبلا
لا هبط في السوق ما ضاق من كثر وقلا
يحتري براده ابو اربعة والشيش له
======================
البدع

انا لقيت الذي في الدرب ماشي وقار
ياخذ ويعطي مع الناس الذي قد ..ربوه
والبحر ياما نزل ما الباخرة والقروش
تلقى الفوايد وراس المال في كل سوق
كما الخضر واقف(ن) في الدرب والياس لام
ما جا القويحة ولا البصرة ولا جا يبه
اليوم ماعاد ناس(ن) تنتشد فين ابي
كل(ن) يلاحظ على ماله ويجبى لدوس
والرزق من ربنا في كل وقر(ن) بعه

الــرد :

ياصفة الزور والبهتان ماشي وقار
من يوم عاد الولد ما يعترف قدر بوه
خصوص(ن) الى توظف وامتلى ما القروش
ثم اشترى له قرنبع ما احتسى انه يسوق
يمر وآبوه واقف ما يقول له : سلام
وياكل الزاد شاره ما يقول : يايبه
لو ياتغيب سنين (ن) ما يقول : فين ابي
كنه من اسبيع والشيبة من جبال دوس
بيس الوظيفه وبيس الولد وقرنبعه
======================
البدع فقط

سبعة(ن) ياذا كتبت التهامي عسكري
ما قعد لام الفري
بعد لبس المدرعة عاد يلبس بنطلون
سبعة(ن) به يا سكون
عاد عالماصة يكتب ويتناول كتب
ألا لله العجب
كان يرعى في القويحة وفي شعب ام سالم
بعد ذيك المدرعة عاد يلبس كوت له
=====================

البــدع :

انا باحكي عليكم قصة اعمى جرت فاول زمان
جاه من قاده الى طرف السوق وأخذ له مقاضي
ثم جا صادر(ن) فاخطى الطريق التي ماهيب له
طاح في معجزة ما حد يقول له : يمين ولا يسار
مادرى الا وذا الحمال صادر وهو منسب تجارة
حرمته قبل مشدوده وهو ماشي في ثارها
لان الاعمى يتهبش قبلهم ما لقي وين الدروب
قالت الحرمة : اندر واركبه عالحمار وتكسب اجره
قال : هيا انسميني ما النشب خلي الاعمى لهم
قالت : الا ارحم المسكين يرحمك ربي من سماه
فاركبه لين وصل لاعند بيته فحير في دعاوي
مادرى إلا والاعمى ياتبحث وفي العالم يصيح
قال هذا نهب مالي وخد حرمتي من تحت يدي
امنعوني منه يا مانعين الضعيف من القوي
والله ما حلها الا الشيخ ذا حط كل(ن) في مكان
قالت الحرمة : آنا صابني كية(ن) ما احر منها
يوم شفته يخاطي الدرب سالت عيوني واشرقت
قال رجالها : يا نعل ابو من يطيع شور النسا
واما الاعمى تحرى الصبح يصبح يشيل المال كله
كان في قصد الاعمى بالمرة والحمار وما عليه
كل من تحسن إليه احتذر لا يجي شرك منه
الــرد :
يالله تستر على ابن اسعود ذا في المدد فول زمان
حط في كل مركز طابع آلات وأمير(ن) وقاضي
يكتب العي والعارف وحتى الهبل ما هيبله
وارضنا طيبة يلقى النفس من درج فيها وسار
والحكوم (ة) امنت ذا في الموسم وذا في سبت جاره
نثرت نعمة الاسلام كل(ن) شبع في اثارها
دربت ذا غشيم ودربت ذا يجي صعب(ن) دروب
واتصالات في كل ارض كل(ن) خذا له تكس باجرة
غير ياشيخ ما خالف على العالم الا اعمالهم
كم قلوب(ن) تعذبنا وكم من قلوب(ن) منسمة
شبع الناس ما الخضرة وشحم الكباشة فيد عاوي
غير يا رب منك العافية فين هو القلب النصيح
نعمة(ن) ما بعد جت للصحابة ولا لآبي وجدي
عافوا الناس ماي البير ما يشربوا الا منقوي
واما ذا غيرنا ما الناس تحت المدافع والمكان
والشريعة تحلل شي وفي بعض الاشياء حرمنها
والشريعة مثيل الشمس فوق الخلايق لاشرقت
ودي آعلمك يا عاقل(ن) ما العرب قبل النسا
الله يستر على الفهد الذي كل شعب(ن) مالك(ن) له
كل ما شاف ممضي(ن) عدا عا الدروب اومى عليه
لا تهرج بما تسمع خذ الخير والشر اكمنه
===========================
--------------------------------------------------------------------------------

البدع

حيا الله نور(ن)من يعانده ذاق سم
مايمشي الا بالمودة وبالنجم
والنمر لابت الجمل ذا بوادي الهيثم
ماياكل الا ان كان قلبه وسينمه

الــرد :

غرم الله عالاجواد سبحان ذا قسم
ما عد له الا يضرب الهم بالنجم
خلك لباكستان سافر ونودلهي ثم
تلقى في الخارج مراقص وسينمة
=======================
البـدع :

يا كل تاجر لف مالك ولم هات
بن(ن) يعيش افي المغارس وبن(ن) مات
اعد واغلط في حسابي كم الحيات
من ذا يعاونني بحبل الشقى لا ماتن
واذا طلبتك طلبة(ن) ما تتمها


الــرد :

لا عابوا الزوجين فا العيب الامهات
يلجلجوهم بالسرايق وبالنمات
يبدوا ويغبوا في المسارب كما الحيات
الحق تفرح زوجتي بامي الى ماتن
وآنا علي العيد لاماتت امها
========================
البدع

شريت لي سنجر مكينة ولكلكم
ضاري على دق الخياطة وشغل كم
خليتكم من ذا البدن فاضي(ن) واشغل كم
يا زير هون جتك بقعا مدرهمة

الــرد:

جيت آتعرض شرب ماكم ولاكلكم
ودي تعلمني على كيف شغلكم
ما جيت من قذانة الا نويت اشغلكم
ماهي بطمعة فان غامد مدرهمة
======================

[mark=#FF0000]يتبــــــــــــع[/mark]