[احمد صعمود]

بسم الله الرحمن الرحيم

السلام عليكم



بعيدا عن المسابقه

مجاراتي لله وحده ثم لغايه

في نفسي ليس الا

واهديها الى نابغة عصره الشيخ عايض القرني

ahmed samood.mp3

[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
بالتحـــيه والسـلام افتتــح رد الجواب =وباسمك اللهم هـــي خير مانبدا بها

واحمد اللي عزني بالشرف والانتساب =لخير امه يشرق ا لنور من محرابها

ثم اصلي عالنبي خير من صلى واناب =خصه الله بالرساله وكان اولى بها

بامدح الباري بشعري عباده واحتساب =وامدح الفكره وباثني على من جابها

شيخنا عايض تحدى المهالك والصعاب =وامتطى للعلم صهوه وقال اهلا بها

باني المجد العصامي قبل سن الشباب =صاحـب الـدعـوه حملها ونـال القابـها

الاديـب الـعـالم الـفذ قــوله مــايـعاب =شاعــر القـمه عـلمها على مرقابها

والله ان الحب مكنون له في قلب ذاب=والمحــبه نــابعـه من قلــوب اصحابها

اهدته نفسي ورودي مع عطر السذاب =واجمل اشعاري مع اصدق شعور انتابها

لااله الا الله اول ركـن واشرف خطاب =احمد المختار اخـــر نبـــي نــادى بها

هي حروف النور هي نازله باغلى كتاب =ختمة(ن) لاضاق صدري اقوم اقرا بها

لااله الا الله اكبــر مــراسيـم الـتحاب =تشـهــد الانصـار كيـف النبي آخا بها

لااله الا الله افظل ذكر واعظم حجاب =شوفنا والسمع والجــسـم حصنا بها

لااله الا الله ساقت لنا مزن السحاب =لانضب بير المشاريب يستسقى بها

لااله الا الله اغلى قدح واحلى شراب =لاضمي عــــرق المعاليق نتروى بها

لااله الا الله هـــي صـبرنا والاحتساب =شعب عامر علـــم الصبر كل شعابها

لااله الا الله اسمى شرف واقوى شهاب =يـوم جار الجور في الارض جاهدنا بها

لاالـه الا الله رايـة سـرايـــا الانــتداب =هيمنت بالارض بشرى لكل اقطابها

لاالـه الا الله دكـت لـنـا روس الــصلاب =وكــل حيــه تنـفـث السـم تقــلع نابــها

مثل ا بو جهل المكابر خسر حربه وخاب =فوق صدره شبل الاسلام يتباهى بها

اهدت الدار الرحيبه لمصعب والخباب =وخــلـت الـفــجار اغــرابها واجـنابـها

علمتنا الاستخاره محت شؤم الغراب =يـوم ازلام الخرافه طـغـت وانـصابـها

لاالـه الا الله الراسيه مثل الهضاب =مايـسـود العــدل مايستقيم الا بـها

كلمة التـوحيد لاشك مافيها ارتيــاب =المـبادي والسماحه رقــت باسبابها

كل قول وفيه حجم الخطا مثل الصواب =والرساله الساميه اصغر خطا ماشابها

تعــجز الثقلين لو تجتمع تخلق ذباب =ويعـجز المسلـوب منـها يـرد اسلابها

لااله الا الله يشهد بها طيـر العقاب =وكل ذيب(ن ) في مفاليه يتغنى بها

حدثتنا سير الاحداث في ماضي الحقاب =جل من علم رسوله واليه اوحى بها

يوسف الصديق بعد المكايد والكذاب =عزه الله والخزاين فتـــــح له بابها

للنبي يعقوب عاد النظر بعد الغياب =وشافت العين الحزينه اعز احبابها

والنبي ايوب ياطول صبره والمصاب =ماشكت نفسه قدرها من اللي صابها

وابن متى في السفينه رضي بالانتخاب =والتقمه الحوت لكنه استجدى بها

بشر الله كل داعي بـها انــه مجاب =ساق لـه كـل العـطايا وهـو وهابها

واهن العظم الكبيراللي منه الراس شاب =بشـره ربـي بحمل المـره وانـجابهـا

لاالـه الا الله الـكنز والشهد المذاب =كل عالم كل زاهد لنا وصى بها

من غفل عنها تكدر وجاه الاكتئاب =استبدت به همومه وهو يشقى بها

الله الباقــي وغيره مصيره للذهاب =والحياه لابــد من يوم يفنى مابها

الله اللي لاذكرته انا اخشع واهاب =والمدامع في خضوعي تبل اهدابها

كرم الانسان في خير صوره من تراب =مايفرق بين عُجم البشر واعــرابها

علـم النـحله فـنـون البنا والاكتساب =وحـده اللـي يعلـم اسرارها واسرابـها

يغفر الزلات لو هي كثيره للي تاب =ونظرة الرحمن عند اللقا يحظى بها

لو قصيدي منك ياشيخ ماحاز الصواب =منك نظره تكفـــي القاف يتعلى بها

وعنــد هذا البيت ياشيخ نوخت الركاب =واطلـب الله جــنة الخــلد يجمعنا بها[/poem]
الشاعراحمد صعمود

مع التقدير