الصحبة الطيبة
القصيدة أهديها للأ ستاذ الفاضل ( خربوش بن حبيب العصيمي ) وأخيه الأستاذ الفاضل( نايف بن حبيب العصيمي ) بمناسبة الزيارة التي قاما بها لمنطقة الباحة وحضور زواج ابني سلطان حفظه الله
[poem=font="Simplified Arabic,4,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
يا طير يا من له على الغصن مجلاس = بلغ سلامي للعصيمي وقله
خوّتك يا غالي النسب ترفع الراس =وانته عزيز وصحبتك ما تمله
يا علْ وبْلٌ يسبقه طيب نسناس = يسقيك يا ديرة بها الطيب كله
ديرة بها الاجواد من صفوة الناس = في منزل كل الخلايق تدله
يا بو محمد يا سعد كل نوماس =مثلك من الاجواد واجب نجله
وانا اشهد انك طيب العرق والساس = شهادة ما قلتها في مذله
قضيت نصف العمر للعلم نبراس =طيب اللسان ونور وجهك يهله
في صحبتك تمشي مع كل قرناس= والله يجير خطاك من كل زله
ونايف ترى حبك تعلق بالانفاس = حبٌ في الرحمن ما فيه خِله
من رحت عني صرت تايه ومحتاس =واقول ذاك الشيخ هذا محله
من لي بمثلك ياخذ العلم بقياس =حب العمل والجد هي عادة له
حفظت نفسك من هوى كل وسواس = وقتك مع الاصحاب في طاعة اللّه
وان ضاق صدرك واعتلى الفكر هوجاس =هذا النفيعي يا دوا كل عله
في مجلسه تلقى الفرح والتوناس =مشروبك الشاهي وللكيف دله
وسوالفٌ فيها الثبيتي خذ الكاس =القول صافي والطرايف تظله
وان قلت ابو يوسف تعابير واحساس = يا زين منطوقه ويا خف ظله
الحمد لله صحبةٌ ما بها باس =الجد منهجها وفي المزح فله
وصلاة ربي عد ما ظم قرطاس =على محمد مِلته خير مِله
[/poem]
|