المشاركة الأصلية كتبت بواسطة كت كاته
[align=CENTER][tabletext="width:70%;background-color:gray;"][cell="filter:;"][align=center] اسمحيلي يالغرام اسمحيلي ياالغرام العف يا الوجه السموح ان لزمت الصمت او حتى لبست الاقنعة ***** اعترف لك ما بقى من عالي الهمة سفوح انحدر كلي مثل طفل تحدر مدمعه ***** من يبي بالله يفتح لي غلق صدره و ابوح ضاقت الدنيا بشاعر طيب قلبه ضيعه ***** ما قبلنا الحظ قولي وين ابارحل وين اروح الصبر ياهو يعذب و الاماني موجعة ***** اه يا جود الحزن وياي و الفرحة شحوح ضايع بهمومي الغبرا بوسط المعمعة ***** اشتكي لوسادتي دنياي واسمعها تنوح كنها بعضي وبعضي وين هو من هو معه ***** ايه انا و العالم المغرور و الياس اللحوح خايض حرب الرياح اللي تسوق الاشرعة ***** مختلط في عبرتي حبر الشقى ودم الجروح ومستوي في نظرتي غرب الوجود و مطلعه ***** عودي المبري بقى به من عطايا الوقت روح وفصل خامس حاير بين الفصول الاربعة ***** وراس مالي ذكريات حلم وأمال و طموح لا صديق ولا رفيق ولا طريق واتبعه ***** نوب اسافر في سديد الراي ونب في جنوح مختفي صوت الحقيقة كيف ويش لون اسمعه ***** سامحيني دام هجري واضح كل الوضوح واسمحي لي بالرحيل بلا تذاكر وامتعه الامير / نواف بن فيصل [/align][/cell][/tabletext][/align]