[القرناس]

نظراً لموجة البرد القارصة اللتي تجتاح مناطق المملكة

يعني مافيه خروج

وخير رفيق وجليس فروة وجزة ولاب توب

إذاً خير جليس الأنتر نت


نبغى تحت هذا العنوان

كل واحد يقول لنا اطرف موقف مر عليه خلونا نضحك


موقف مر كل ما اذكره مع توساي اضحك ويعم الضحك ليصل لدرجة حاله هستيرية يضحك كل من يسمع الضحك ولا يعلم عن سببه


وهو

عندما كنا بعزبة الرياض أم الحماطة

رجعنا من .............................. عطلة الأسبوع

لا فيه جوالات ولا بياجر

تلفون واحد فقط

كان واحد من الأحباب مسيطر على التلفون يرقد به معه فيتحت البطانية


قلت لتوساي

اش رايك

قال
وش

قلت
بنعطل التلفون اليوم

نذالة

قال كيف

قلت موشغلك

راقب الشباب

قال تم

قمت اخذت دبوس

طبعاً اسلاك التلفون عبارة عن أسلاك من النوع الأبيض المزدوج اسلاك تشبه اسلاك تمديدات الكهربه

الغرفه كلها اسلاك

اخذت الدبوس ومسكت سلك

خويي يضحك

يضحك

قلت عمى اسكت

وأستمر يضحك

يبغى يمنعني من وضع الدبوس في السلك

أنا ما ادري اش يضحك مه

ضحكت من ضحكه

فغر وانقعر على ظهره ويضحك

قلت لازم في نفسي اكمل نذالتي واشبك الدبوس في السلكين ليعطي التلفون مشغول على طول


حطيت الدبوس

والله لا يوريكم

اثر السلك اللى مسكته انا موسلك التلفون

سلك كهربه

ماحطيت البوس في السلك ويضربني شوط
واصيح

الحق خويي لحظتها

فطس ضحك

قلت بعد ليش ماقلت لى اني ماسك سلك الكهربه

قال ماقدرت اتمالك نفسي من الضحك

يالكم من منظر

صحيح من حفر حفرة لأخية وقع فيها

هات من مواقفكم ونزيدكم بالأحلى

تحيات