[علي الحسني الزهراني]

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]



البارحه غير عن كل الليالي جوها غير = واسرارها غير حتى ما علمها بير الاسرار
ياهي لها لون هادي غير عادي ذوق ومثير = غيمة عطر من مداد الشوق تمطر ديم مدرار
ليله لها طعم ثاني مختلف مافيه تكدير = أشبه بالاحلام بعيون الطفوله تعبر اقطار
ما اكثر سخاها على قل الدقايق ربع الخير = ماطولت واورقت فينا صخور الياس بازهار
نستني جروح وقتي ما اشغلت راسي بتفكير = عن كاهلي حطت ثقال الحمول وصار ما صار
ذكرى جميله ولكن الدهرجا فيه تغيير = ولا لنا الا نسلم لاحكم تصريف الاقدار
اليوم عادت لي احزاني وحالي ماهو بخير = أرى السعاده وهم ما تم وعده حلم وانهار
لو هي تعود الليالي للورا ما اتعبني السير = أطوي دروب التمني ما حصل لي غير الاعذار[/poem]