اعضاء المجلس الكرام
تحيه طيبه
خلونا نتكلم بصراحه .. بما ان هذا المجلس للجميع .. فلنجعل الجميع يشارك !!
انا ما ادري ليه كل هالاختلافات .. وليه كل هذا الاحتقان الردودي الواضح !!
الا يكفي الفرقه على ارض الواقع حتى تنتقل على صفحات المجلس !!
هذا يرفع لهذاك .. وذاك يحطم لهذا !!
محد يقدر ينكر جهود المشرف العزيز ابوفيصل .. ومحاولته الجاده لارضاء الكل .. ولكن .. من يقدر في بالخزمر !!
بالخزمر القبيله الوحيده .. ولاخلها الفخذ الوحيد في زهران .. اللي تلقى ابنائها دوما مختلفين .. متهاوشين .. متزاعلين !!
على شنو .. وشو له .. وليش !!
بصراحه .. نريد ان ينتهي هذا الجفا !!
يالربع يكفي ضيقة صدر !!
كل ما ادخل هالمجلس .. القى موضوع فيه تقليل من المجلس واعضاءه .. والمشكله الكبرى .. الردود اللي بدل ماتوضح الامور وتفهم من كتب الموضوع انه على خطا بطريقه ليس فيها اساءه لاحد .. تلقى الردود اللي تزيد الطين بله !!
الى متى هالحال .. اصبح ابناء بالخزمر .. كلن في ديره .. واحد مسنتر بالعام .. والثاني مشنتر بالرياضي .. والثالث يفرفر بالاستراحه .. والرابع يتصيد الاخطاء !!
شوفوا كم عضو سجل ثم انسحب .. شوفوا كم عضو سجل ثمن اختفى .. شوفوا كم عضو سجل همن فقدناه !!
لاحد يجي يقولي .. اللي يجي يجي .. واللي يروح بالطقاق !!
ودي يجي واحد يقول .. اللي يجي الله يحيه .. واللي يروح نقوله طلبناك !!
لاننا في منتدى .. مو في بيت احد .. وعلى هالاساس الكل له حق بهالمكان .. والكل من حقه يطرح وجهة نظره ايا كانت .. عجبتني او لا !!
ان عجبتني شكرته .. وان ماعجبتني قلتله رايي !!
نفسي مره وحده بس .. القى الجميع متفقين على شي واحد .. في موضوع معين .. او راي يطرح .. او على الاقل الاغلبيه !!
لكن مانشاهده .. العكس .. اثنين ضد واحد .. واربعه مع واحد .. والبقيه يتفرجون !!
انا اجزم لو كل واحد دخل بمعرف بعيدا عن اسمه الحقيقي لوجدت الترحيب الحار !!
واول مايفصح عن اسمه الحقيقي او ينعرف بطريقه او اخرى .. تلقى التطفيش الحار !!
عشان كذا انا ضد التعريف بالاسم الحقيقي .. فهنا لايهم من يكون بقدر مايهمنا ماذا سيقدم !!
لان ماستقدمه من راي او فكره سنستفيد منها بغض النظر عن من يكون صاحبها !!
موقف صار بينك وبين شخص ما .. ماعلاقة اعضاء االمجلس به !!
اتركوا خلافاتكم الشخصيه خارج المجلس .. فلم ناتي هنا للتعارف بقدر ماجينا لخدمة القبيله بفكره او راي !!
لتعلموا ان هذا المجلس له فائده لايعلمها الا من شارك فيه .. فعن نفسي استفدت امور كثيره كانت غايبه عن ذهني .. وتعرفت على تاريخ القبيله التي لم نكن نعلم عنها الكثير .. ولو لم نخرج الا بهذه الفائده لكفى !!
نختلف اوك .. نتناقش شي حلو .. لكن توصل الامور للشخصنه .. هذا اللي مانبيه !!
من هنا .. واعتبروها طلبه .. ولا رجاء .. او حتى امنيه .. ان نكون اكثر هدوء واكثر اخذ ورد .. فلن نستطيع ان نغير افكار الاخرين بمجرد التصدي بكلمه او كلمتين .. ولكن تقدر تغيرها بكلمه طيبه او راي عقلاني ..
هذا علمنا وسلامتكم ..