المعنى يقول القلب هاوي وانا مثله هويت
الحجل والوباره والضباء والقطى مالي بحبه
اعشق الصيد واقدر دياره ولو ماهي ديار
قدر الله لقيت اللي يوصف ديار الصيد واهله
قال ياراعي المقناص شفت الذي مايوصفا
قلت وش ريت قال الصيد يرعى وفيه اللي توده
قلت ربه جواد وكان تقدر دخيلك وصفه
قال فيه الذي يسهر عيونك تموت ولا تعافه
والله ماضنتي فالارض ربي خلق مايشبهه
قلت يكفي دياره وين ياصاحبي بالله قلي
قال ماهي بعيده قال ماهي قريبه ياحسين
قلت ماهمني لو كان فوق الثرياء شي هاوي
لا صله لو تكون الروح في وصلنا برضه قبيل
قال ريح جنونك يالمعنى لفاه الفين رامي
والله ماحد تمدح به ولا حد وصله ولا لقاه
قلت ياشيخ يمكنه كتب لي ويمكن من نصيبي
قال ياليت لاكن وهمتي ماتقول انه بلك
قلت بالله ريحني ترى اتعبت لي قلبي وروحي
قال تعرف مكانه مثل ماني بوالله اعرفه
قلت عذبتني والله خيرك بين امرين لاخر
اما رجال علمني واذا كان ماتقدر فروح
قال لي قلت واويلاه واحسرتي واصرم قلبي
قال وشبك تغير حالك اللي من اول كنت فيه
قلت ماهو بكيفي غير لن قدر الله لتجهله
قال محزمك وافي قلت وافي وهذي البندقه
وانا من وقتها قيسي توجهت له والله كتبلي
العنا والغباين والحزن والهموم وغيرها