[صقر برقا]

السلام عليكم ورحمته الله وبركاته

قصيده كتبتها عندما غابت شمعه البيت((أمي))

القصيده دائما ارددها على لساني وذلك لما لها

من محبه لايعلم بها الا الله

اليكم القصيده

ياليـل ياليـل يـا مظلـم عـسـى منـتـه عليـنـا طـويـل
من يوم غـاب القمـر وانـا عيونـي تحتـري طلعتـه
فيما مضى كنت اناظر للقمر في كـل صبـحٍ وليـل
واليومه ابطى عليـه ياعـرب مـدري متـى رجعتـه
هذاك نور العيـون ونـور قلبـي مـاش غيـره بديـل
يـازيـن زولــه لـيـا مـنـه بــدى لعيـونـي وشـافـتـه
عـز الله انـي بعـد فرقـاه مابـي شـرب بـنٍ وهـيـل
يـا وجـد عينـي علـى لامـاه صافـي دمعـهـا هلـتـه
اضحك مع الناس واجامل وانـا قلبـي بهمـه عليـل
ماودي الناس تدري عن مـرض قلبـي وعـن علتـه
واصبحت محتار في وقت الشقا مابين عدلٍ وميـل
والفكـر بيـن الهواجـس والهواجـس ودتـه جابـتـه
اخـاف ابـيّـح بـسـدي للـعـرب يقـلـون هــذا هبـيـل
النـاس ماترحـم اللـي يشتكـي للنـاس مـن هجرتـه
مالي جدا غير اجامل وقتي اللي صار طبعه بخيل
والصبر اله حد وانا صبري اليومه وصل حروته