[علي السبيّه]

[poem=font="Simplified Arabic,6,#2404FC,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ابرى الهموم وعش حياتك على الكيف=واستغنـم الاوقـات مادمـت حـيـا
لا تاخـذ الدنيـا مشقّـه و تكليـف=ولا تغالـي فـي حيـاتـك غلـيـا
ولا تزيّـف فـي الحقايـق بتزييـف=نيـل المطالـب مـا يجـي باالمنيـا
ما تدري ان الوقت يقطع كما السيـف=لو مااعتنيـت الشـوق ماقـال هيـا
اقطف من الاثمـار بيديـك تقطيـف=وهز النخـل لا عـاد تمـره سريـا
واطرب مع ليل الشتاء واقلبه صيـف=واجلب للداعي الشوق كـل الحميـا
الكاسب اللي من عنى دهره انضيـف=ما قبلـه الا اهـل الطـرب والغنيّـا
يا حيف لو مايسعد الوقت يـا حيـف=ويـا شقـى وقـت الاسـى والبليـا
ترى الحياه افنان والوانهـا الطيـف=يزهـى بهـا عمـر الليالـي زهيـا
ارقى على روس المراجيـم والنيـف=وارضي مـرادي واخـد اللـي تهيـا
الحب لي مضياف وانا لـه الضيـف=لا جيـت اغـادر قـال خلـك هنيـا
والى بغيت اوصف غرامي بتوصيـف=احبـس لـه انفاسـي وافكـر مليـا
وبل السحاب اللي منه يزهر الريـف=يسقي الخوافـق والعـروق الضّميـا
وحده ملك قلبي ولا لـه ولا وصيـف=والواحـد الله مـا تجـد لـه سميـا [/poem]

كلمات/علي السبيه