[ابن روزه]

يا ذيب جيت أشكيلك الحال يا ذيب - جيتك وانـــــا يا ذيب نفسي عليله

مقبل عليك ومرتجي منك ترحيب - ودّي بقربك فوق راس الطويـــله

البــــارحه رتّبـــت بالقـــاف ترتـيب - ومن زود همّي عدت قافي بـ شيله

لا جيت أبكتب زاحمنّي المكاتيب - ويــــلآه من زود الهموم الدخيــــــله

في هالزمن ياذيب ما ينفع الطيب - ولا تنفعك حتى الفعال الجميـــــله

سيوف غدر البشـــر ما عنّي تخيب - تسكن حشا روحي ولو هي ثقيله

شمس الوفا غابت وما كانت تغيب - والناس تبحث عن طبايـع بديــــــله

والطيب أقفى بعد راعي المواجيب - وكلن على دربه مشى مع خليــــله

وانا وحيد(ن) فوق روس المراقيب - تسعد هوى بالي بيوت(ن) جزيله

وضح النقا فيني ولا خالطه عيب - طبع الوفاء وبكل فخر أنتمي لـه

في دنيتي ياما جرحتني المخاليب - و خيــل الصبر فيني يزيـد بصهيـله

وضلوع صدري أحرقتها اللواهيب - لاضعــت من حظي يجيني بديله

راسك ترى يا ذيب عشعش به الشيب - تدري خلاص إبعد واناهمّي أشيله