[ابن روزه]

[poem=font="Arial,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]


مثل الاسير اللي من اول كان في منصب كبيـر"=
"يا مر وينهى والامـور مجـوده فـي قبضتـه=
نظره بعينيـه امـر نافـذ للكبيـر وللصغيـر "=
"وبـلا مبـرر جـاه قـوة غاشمـه واحتلتـه=
حارب ولكن انهزم وخذوه مـن بيتـه اسيـر"=
"رموه بين المجرميـن وصـادروا لـه دولتـه=
تحت امر جندي ما يخاف الله ولا عنده ضميـر"=
"اذا رفـع راسـه بيتكلـم عـطـاه بجزمـتـه=
وقت انمسك كان اصغر اولاده مع ابيه الضرير "=
"على رصيف الشـارع الثانـي تحـزن وقفتـه=
شدوا وثاقه ودفعوه وطاح وسحبـه الخفيـر "=
"وبرجله اليمنـى عطـاه علـى قفـاه بقوتـه=
نظر بعين الفارس المهزوم والرجـل الكسيـر "=
"وتذكـر الدنيـا وكـيـف اعـزتـه واذلـتـه=
رفع يديه بيعتذر للشعب مـن سـو المصيـر "=
"وده يقول امـر الله القاضـي وهـذي سنتـه=
وجاله من اعقاب البنادق ضرب منقطع النضير "=
"الكـل يضـرب فيـه ويبالـغ بقصـد اهانتـه=
والشعب من حوله يصيح الله على الظالم قديـر"=
"وهذي نهاية مـن دمـا الابريـاء فـي ذمتـه=
تخيلوا يالربع لحظتها حصـل موقـف مثيـر "=
"يقطع انياط القلـوب القاسيـة مـن قسوتـه=
شاهد بناته لابسين اسمال مـن بعـد الحريـر"=
"اصغرهم انهارت لهول المنضر اللـي شافتـه=
حاول يكون اقوى من الواقع برغم انه مريـر "=
"وقف يطمنهـم علـى حالـه ويخفـي دمعتـه=
خذوهم العسكر تحت وخز الحراب المستطيـر "=
"الي المصير المظلم اللي مـا توصـف ظلمتـه=
وخذوه الي سجن انفرادي لا صحيب ولا ظهير "=
"الا جحيـم الذكريـات المـرّ وهمـوم امـتـه=
شعور هالرجال تحت البرد وسمـوم الهجيـر "=
"وهـو يقلـب دفتـر التاريـخ فـي زنزانتـه=
يتذكـر ايـام الغـلا والعـز والدنيـا بخيـر "=
"وده يعـود وينتقـم مـن كـل ذمـه خانتـه=
ماخذ من شعوري عليك الا قليـل مـن كثيـر "=
"من يوم ما غبتي عن عيوني وحالـي حالتـه=
[/poem]