[غريب ونسيت الديار]

ليت ذاك العام يرجع بنا ونعاود البلاد
نزرع ونحصد ونأكل مازرعنا من ثمار
وليت محراث جدي بقي نحرث به البلاد
ونسقي البذره وندعي في صلاح الدين والولد
ونصبح الصبح شرقه نشتغل والديره عامره
باهلها والخير يملاها وحب الجار همنا
ونفتقد من غاب منا وننشد ليش غاب
ونزاور بعضنا وقلوبنا تسع بعض
نرقب الضيف لاجانا ونذبح له ونكرمه
وما يروح الا وهو راضي وقاضي حاجته
لا مريض ولا عريض ولا بنا طلابه
الحسد ماله مكاناً بيننا والمال واحد والولد
اما ذا الحين غربه وغصه تتعب القلوب
وشتات الاهل والاحباب قصه لها سنين
وابتعاد الناس عن عاداتها زود مصابنا
حتى ماعاد ندري وش جرى في جارنا
اهتمام الناس بالبورصه وسوق المال همنا
وانكسنا يوم ما جونا هوامير الجشع واعمونا
طارت القرشين واصبحنا فقارى بعد عامنا
غير مديونين من بنك البلاد وفوقهم ديانه
والسكن ما غير بالأيجار ما نملك لنا سكن
وطارت اسعار البضائع واشتعل معها الحديد
والرواتب يوم تنزل سرع ماباحت بيومها
واصبحت احلام غربتنا خيال في خيال
لا اراضي نمتلكها ولا نقدر نجمع حقها
وعجزنا عن سداد الدين واصبحنا مطارده
حالنا بالليل قهراً وبالنهار اذلال فالبيوتا
وحسافه للسنين الي قضيناها بهجوله
من جنوب وشرق حتى غربنا واليا شمالنا
ما تهنينا بمال ولا تريحنا ببالنا
ورجعنا للديار وليت محراثي بقي معي
لكن الما قل والديره تغير مايها والدلو طاح
************************************************** *******