[بن حكمان]

ودي اني بعض الأحيان ما عندي شعور
لأجل لا زادت طعون البشر م اشعر بها
حاجتين تولع النار في وسط الصدور
الغرور اللي في أشخاص ما تفخر بها
واختلاق المجد عكسا لما بين السطور
من تكبرها في القلب ينقص حبها
القصور القصور ماهي تقارن بالخدور
والرجال الكفو معروفه من انسابها
راح وقت أهل النواميس والقلب الصبور
وجاك ناس (ن)ودك تلمها وتشبها
"افرحوا" في تالي الوقت والدنيا تدور
بكرة يظهر صدق الأيام واعرف كذبها
وانت يا بن آدم حذاريك من فعل الغرور
الغرور العله اللي صعيب (ن) طبها
كم رجال افعال وامجاد وطوال الشبور
والبشر تدري وش انسابها واحسابها
من تواضعها تعمر في الخاطر قصور
والتواريخ القديمة ترى ندري بها
واحد(ن) يتمظهر المجد ما جاب السرور
يا عسى ما راح دار الرجال وطبها
ما نكبكم غير لبس المشالح يا (ذكور)
(شيخ ولد الشيخ)من كيف راسه جابها
ودهم يغدون قدوة وتاريخ(ن)و نور
غير حلم ابليس فالجنه يدخل بابها
هم حثاله ما تغير على مر الدهور
هذا مضمون القصيدة وهذا لبها


*نايف بن حكمان*