عرض مشاركة واحدة
قديم 30-05-2012, 10:14 AM   #52
نسيم السروات
مراقبة التراث وسوالف الاولين
 
الصورة الرمزية نسيم السروات
 







 
نسيم السروات is on a distinguished road
افتراضي رد: تقرير مفصل ومصور عن جنادرية (27) بالقسم النسائي ببيت الباحة لهذا العام 1433هـ

اقتباس:

المشاركة الأصلية كتبت بواسطة بعيثرانه   مشاهدة المشاركة

  

ماشاء الله تبارك الله يانسومه مجهود تشكرين عليه وينكتب اسمك واسم من عمل معك من الاخوات بماء الذهب

يانفدى البدية يخته بعيثرانه يوووه ياشرهتي منك أثر أني باقي ماوصلت على مشاركتك ولا رديت عليك فيها

سامحيني وربي ماهو تعمد ولكن نسيت العودة إلى هذا الموضوع لإنشغالي بمواضيع أخرى فالعذر من الله ومنك فديتك

لا يكون رحتي ماعودتي جا معك ضيقه ؟

هابشري بالرضى وأنا أختك ماكون نسيم لو ما أرضيتك

وتسلمين يالغالية على المدح والإطراء كثر الله خيرك وبارك الله فيك .




ليتني معكن لو ماهلا اتلمح بعينيه ( ) عجبتني الكهله وهي متحزمه راس البير وخافتها فوقها وتدلي بدلوها والشغاله تهبل هههههههههه

ليتك معنا أي والله والله لتنبسطين ونسرح رأس البئر نستقي بالقربة أنا وأنتي وتزرعين لك حوض بعيثران رأس البير

جنب القف يابعيثرانه

ها بالله وش رأيك في شغالتي ماهي غلة كما الغلال عليها ذكر الله وحجاب الله هي وتاك المخلوقه معا الله يسعدهنه .


ليت من سمعكن ولعب معكن وغطرف وقصد وتفاول وتلطف ( من اللطف ) معكن

ها أسمعي يابعيثرانه دخيلك تجين معنا السنة الجاية إن كان الله أحيانا وأبشري نعيد كل اللي سويناه مع بعض ونتفاول

ونتغدى ونتعشى ونلعب مع بعض بس أنتي أصملي وتعالي نفسي أشوفك فديتك .




اما من ذكرتي من محبات الفتن والبروز على حساب الاخرين والصعود على اكتافهم


فهن كُثر وفي كل مكان وزمان والله بصير بهن سواء تربويات وإلا غير تربويات

والله يالغالية أن أغلب اللي شاركن معي من الأعوام السابقة لا تربويات ولا حبه وخطرهنه مثل العسل وكل واحدة

ودها تخدمني بعيونها وتتعيا وش تسوي لي من خدمة حباً وكرامة أما بعض المقرودات وردن علينا بهمة هذه السنة

والمشكلة أن بعضهن مالها أي دور جاية رشحت نفسها من التربية والتعليم من أجل تجي تقاحر وتبجح مسوي بودي

قار لغيرها لأن غيرها يبغى يطلع سليم في سليم أمام الغير ومكتفي فيها تبرد على قلبها والحركة صارت مفهومة أمام العيان .

خاصة يوم سمعن بتكليفي ( رئيسة الفعاليات النسائية ) تفقعنه من الضيقه

يالله نعوذ بك من الحسد والغيرة اللي من غير سنع .



شميت ريحة الكادي والبعيثران والغراز والحبشوش والخبزه والقهوه ويانشعتي نشعتااااه مااحلا القعده معكن

أبشري من أعطاك السنة الجاية غلقه مليانه من كل اللي ذكرتيه هدية فوق وفوقها شترة خبزة .

وحلوووووة كلمتك يانشعتي نشعتااااه أعجبتني جهدا وأظنها كما قيلتن ياغبن قلبي غبناه عندنا صح ؟



الله يعطيك الف الف الف عافيه انتي والاخوات وفاطمه بعد علشانها غامديه فديتوكن كلكن

عشانها غامدية هاه

ها خلاص بطلت أدعيك معنا السنة الجاية وتسوون حزب علينا ياالغامديات خاصة أن كان جينه اللي في خاطري

عز الله كملت .

إلا أن كان عاهدتيني بالله أنك تجين معي أنا وفاطمة لأننا أنا وهي ما عندنا كلمة غامدية وزهراني يدينا مع بعض

ليت كل الناس كمانا ياليت .

أني أمزح معك يايخته لا تضيقين وتأخذي في خاطرك أني مرة أكثر كلامها مزوح في مزوح وقلبي وسيعن


وتسلم يدينك وما خطت وعسى ربي يسعدك دنيا وأخرة وأناشدك بالله تعودين للمنتدى إذا قرأتي ردي هذا

لأني أشوفك غائبة من فترة وعسى المانع يكون خير إن شاء الله تعالى .

ـــــــــــــــــــــــــــــــــــــ
التوقيع
أخر مواضيعي
نسيم السروات غير متواجد حالياً   رد مع اقتباس