(( الاخوه ماهي سلعه ))
الاخوه ماهي سلعه لمن يبغى يسوم
لو بيعرف قدرها مارخص فيها وسام
تنبني ع الصدق يازيد معْ طيب العلوم
الوفى مابين الاصحاب به زود احترام
صاحبك مهما ابتعد عنك جا وقت اللزوم
صاحبي راح وتركني وانا وسط الزحام
اوعــده مايـلحـقه منـنـا هـرجٍ ولوم
من تنكر للرفيق مايفيد ابه الملام
والله ان الضيق يازيد في صدري يحوم
من فعايل صاحبي جفن عيني ماينام
يوم هو في حاجتي اهجر الدنيا واقوم
لجل عينه يوم انا احتجت مااتعنى وقام
ماهقيت ان الرفيق ينكر العشره بيوم
ولا هقيت وعودنا كانت امجرد كلام
ايه انا اشهد ان مافي الحياه شيٍ يدوم
باعني عز اصدقاي واشترى عابر غرام
..............................................
#سامي_العويفي