[خالد رجب]

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

صدام وعمر المختار=
**=
**=
يا سبحان الله مسـر عنـا وحنينـا علـى صـدام=
ونحن كنا نرفضه ونحارب اللـي ياتسمـى بسمـه =
لانه حول منطقتنا منطقة حـرب وقواعـد جيـش =
ما بقي في الشرق الاوسط عاصمه ما حلها مستعمر =
ما بقي في الشرق الاوسط عاصمه ما هي بلا ديون =
جوع الشعب العراقي وافقر الشعب الخليجـي كلـه =
والشعـوب العربيـه زادهـا فقـر(ن) علـى فقـر =
لكن ميزة من نطق بالضاد ما يشمـت ولا يتشفـى =
والدليل إن الضحيـه قـام يتغبـن علـى الجـلاد =
خلوا عباد الخميني واحمد ابن انجـاد والصفويـه =
انا ما ميدي لهم يخسون ماهم مـن بنـي عدنـان =
لكن الله رد كيـد المالكـي والبسـه ثـوب الذلـه =
يوم بداء في ساحة الاعدام مرعـوب(ن) ومختلـف=
ملحمة شنق البطل صدام ماهـي ملحمـه عاديـه =
ذكرتنـا عمـر المختـار والله يـرحـم الاثنـيـن =
واللي برد تعبة اهل السنه واغناهم عـن العيديـه=
الثبات اللـي جعـل صـدام ينطـق بالشهادتيـن=
**=
**=

لعنة التهجير=
**=
ولد عمي قبل كم من عام بـاع البيـت والبـلاد =
واشترط ع المشتري لايخرجه م البيت لاخر عمره=
وبصم ع الحجه بإبهامـه وقـر البيـع وانتهـى =
كانوا اخوانه صغار وكانوا اولاده بعمـر اخوانـه =
يحسبون البيت والوادي لهم واللي شروا ظيفـان =
وبعد كم من سنه مات الرجل والله يرحـم حالـه =
ماترك للـي وراه إلا العـذاب ولعنـة التهجيـر =
وغدينا كلنا فـي صفهـم نبغـى نقيـل البيعـه =
ولقينا المشتري عينه علـى ارض القـوم كلهـا =
واتفقنا إنا نحارب كلنـا حتـى و يخـرج منهـا =
مادرينا إنه شرى بعض الضمايـر مـن عيالنـا =
قلنا خلوا واحد(ن) منكم يدافـع دونكـم ويداعـي =
نصبوا رجال وانحـن ندعمـه بالمـال والعتـاد =
وغدوا عشرين حزب وكل حزب(ن) يبغي الرايه له=
واصبح الموضوع بالنسبه لهـم لعـب ومقامـره=
**=
**=

البيوت أسرار=
**=

انا مليت من قول أنت وين كنت ولمـن رايحـن =
يا خي وش دخلك تنشدني منين جيت وفين غادي =
ثم تنشد عن النـاس الـذي عندنـا متواجديـن =
مامعك شغله إلا رصد من راح من عندي ومن جاء=
مابقي إلا تقول وش لبسة محارمـك وش زادهـم =
ياخي وش دخلك تنشد عن الادمي واسرار بيتـه =
تُب وخل الفضول اللـي يـودي لحبـل المشنقـه=
**=
**=

لهجة نجد=
**=


ماني بميد التعصب كلنـا يـا لمسلميـن اخـوان=
لكن الواجب ياحفظ كل قًطر على سِمـاه وطبعـه =
وانحن في ذا المنطقه بالذات وش له نعشق التقليد =
اللي يتوظف في الشرقيه واللي في الرياض وجده =
امـا قلـد لهجـة البـدوان وإلا قلـد الحـظـر =
مايغلق شهر حتى يلبس الثـوب الـذي ماهولـه=
ما يغلق شهر حتى ينكر اهـل النحـو والتجويـد =
ياولد عمي مادام إنـك نسيـت العـاده الجديـه =
لاتخلـي بينـي وبينـك وساطـا تُ وترجـمـه =
لا وصلت الدير لاتهرج يكُن بالعربيـه الفصحـى=
لا وصلت الديره تكفى خل لهجـة نجـد لاهلهـا=[/poem]