رد: .•°« ديوان الأستاذ الشاعر : علي البيضاني »°•.
هذي محاورة بين الشاعر علي البيضاني وأحد الأعضاء في إحدى المنتديات
الشــــــــــــاعــــــــــــــر
ماقلت لك ياعلي نار الهوى تحـــرق=والبعد له نار والبارق له اشعاله
الله عليه الهوى في قسوته يغــــــرق= وهو يكابر ولا يطري على باله
تشرق ويغرب وإذا غربت له يشرق =شفنا على شان كسب الود رحاله
حتى غيابك وبعدك صار مايفــــرق=تروح والا تجي مااهتزت أوصاله
لاتسرق الـــود لان الـــود مايسرق=ولا تسلــــم قلوب الناس حيــــاله
يمكن على قولة أهل الشام لاتمــــرق=العز للرز والبرغل شنق حاله
أبـــــــــــــــــــــو فيـــــــــصــــــــــل
قريت الابيات لكن ليتك اتصدق=اني كما الي يمينه تقطع اشماله
ياكم لي اطرد يابو سامر وابيت الحق=والي لحق لاتقول إلا , هنيا له
تبغي الصراحة, علوم النفس والمنطق=تخلي الراجحي يدعي على ماله
لو ينطق الرعد والا يبرق البارق=يجونك الناس رحاله وجماله
بنشدك عن جده وانشدني عن المندق=كلن يجاوب بما يطري على باله
وان كان في القلب شي(ن) فجر البندق=يستاهل اللي يجي شره من اعماله
الــــــــــــــــــشـــــــــــاعــــــــــــــــ ـر
قلبك على طــــاري السجـــات لا يخفـــق= الأصل طيب وطبع الولد من خـاله
ان شفتني طحت لاترحـــــم ولا تشفق = سند وقل لارحـــــم ياناس من شاله
قصة لها سيل دمعي بالخفا يدفــــــــــق= قلبين في عين والا عين نشــــــاله
عينين عين(ن)تحب وعين ما تـــــرفق = وحده لضحكه والأخرى دوم هماله
من حسرته صار بايدين النـــــدم يصفق=خله يدندن على لحنــــــه ومواله
الله يسهل طريقه مر واتوفــــــــــــــق= الظاهـــر انه حلم حلم(ن) ولا ناله
أبـــــــــــــــــــــو فيـــــــــصــــــــــل
لا قرب الصيف قمت أبعينك أتحلق=تناظر النجم وبعينك تبدى له
وانا في الصيف من جدة إلى بارق=مدري متى الصيف يفضى لي وانا أفضاله
تدور الديرة الي تجعلك رايق=ونا كما الي يجيب (النقمة) برياله
لو عصمت الشعر بيدي قلت له (طالق)=اطلقه بالثلاث , احرم أقواله
هذي الحقيقة وهذي كلمة الواثق=كم حدنا في طريق الهم بتاله
كم حدنا نطوي الأيام ونسابق=تصدق اني كرهت اسمع يالا لاله
|