[حصن الوادي]

اقتباس: المشاركة الأصلية كتبت بواسطة شمس عصرا      ايوه ايوه يالحصن, يوم جت تالهروج الهيله عن بنات فاطمه, وجبت طاري النكح ,تقحمو عليك القحمان من كل مكان وكلن يلف ويدور ويلجغ الهروج,كما المشتهي والمستحي..لكن مابهم المزا والله مايرد اكثرهم الا الخرعه وانته وشيبتك على راس الخرعين المخترعين واهي على قولة الاول,بق من شين ترده والهوى يغدي بطالبه والله يا شمس عصرا أنهم لتقحموا القحمان من كل مكان ,, لكن وأنا رفيقك والله ما فيهم فايده ,, والوحد يكتب كلمتين وكلها أخطاء إملائية من الخرعة خذتهم بالنفاضة ,, وعلى قولة المثل (بعض الغياب أجمل من الحضور) ,, وأنا والله ما كتبت هذا الموضوع إلا من واقع تجربة على الواقع وقلت المنتدى فيه حرية أكبر وأثر اللي في المنتدى بعد أخرع من اللي في الواقع. واعجبتني هرجتك ان القحم يتزوج حرمه نصفن,لاهي كهله جهدا ولاهي جاهله لكن الشرط ان زوجته الاوله تكون اكسباير منتهية الصلاحيه,وماعادت تقدر لاتخدم قلبه ولابطنه ولاغيرها من مواضع تستحق الخدمه ههههه,وهو كذلك ان تكون صحته متوسطه حتى يكون قادر على اداء حق الصبية الجديده وحقوق ابناءه اذا رزقه الله منها أنا معك في هذا الكلام ,, لكن والله يا أمهات الديرة أنهن أكسباير من بعد شهر العسل (أسأل مجرب) ,, أعجبتني منتهية الصلاحية من مواضع تستحق الخدمة ههههههههههههههههههههههههه يعني ايها الشيبان من استطاع منكم الباءه فليثني,والا خله ينتسم ويريح ملايكته ويحيل عن طاري النكح ان كان ماهلا قاله فاضيه ههههههههههههههههههه والجواب يالحصن ان كان لاكته اسنان الدهر لين قلعت سنونه وزادت بصقته,فوشعاد تبغي به الصبيه الجديده وهو ملجوغن ههههههه ولاتستهين ببنات الثلاثين,على قولة الاماراتيين برد الثلاثين يذبح لكن لاصبر الواحد الين بلغ عمر الملجوغ فخله يكمل باقي عمره مستورن مايزيد ينلجغ وينلجه من النسوان على اخر عمره,ولعل هذا الحرمان يكون حافزا له ليجتهد بعبادته ويتحمس لحور الجنه

بهواهم يا شمس عصرا ,, كلن برشده يعيش وأن أخوك ,, أنا ماهلا ودي أحفزهم أشجعهم يتلحقون ما بقي من أعمارهم ,, طبعاً اللي بعد فيه قدره ,, وأما اللي مافيه فايده فينتسم أحسن له


شكراً على التعقيب الأبلغ من الموضوع نفسه
لا تحرمني من طلتك المميزة

حبي و ودي