[طوق الياسمين]

الله عليك حركتي المواجع ياغربة
طبعا كل اللي ذكرتيه ما اتذكره مدري ليه مع اني كهلة حبتين
طبعا ً اللي اتذكره بسكوت لونه اصفر وكيسه احمر واصفر اسمه بسكوت لولو الصغيره
الله لو القاه هذا البسكوت قسم بالله لاشتريه لو بألف ريال الكرتون ، مع أن الكاسترد شكله لاعب فيه من الصفرة
واتذكر امي كنا لا سافرنا الديرة كل صيفية تروح لدكان احد القحمان في الديرة تشتري من عنده بسكوت ابو ميزان عشان تهديه لوحده من الكهيل ..
بس والله ياعليه طعم خاصة مع الحليب الصباح يوم الخميس
وإلا الكت كات اللي مغلف بقصدير يووووووه يانكهة الشوكولاته الاصليه فيه والبسكوت المثلث بعد


آآآآخ بس .. تذكرون مسلسل القرية الاليفة الكرتوني حق دوبه وسيد نمر
اموت واعرف ليه من بين المسلسلات ماعادوه ، هل لأن المدبلجين عراقيين مثلا ً ؟!
والله ماخليت مكان مادورت على حلقاتها فيه ولا حصلت ، هو المسلسل الوحيد اللي لاراحت امي لمشوار ما انشب لها
ولا احب اروح معها في وقت عرضه ، كان يجي كل يوم العصر ماعدا الخميس والجمعه وهـ بس


[youtube]


اسمعي ياغربة
في دكان صغيييير مرة مسويه صاحبه على هيئة الدكاكين القديمة موجود بالدور الثاني من مركز غرناطة التجاري
بنفس صالة العاب الاطفال ، تراه يبيع الاشياء القديمة لقيت عنده الكت كات القديم المغلف بقصدير
روحي له وجددي ذكريات طفولتك وادعي لي


والف شكر لك