[غلا الشيخي]

جيت الطبيب اللي على الصدر مختص
ابي يسوي لي على صدر تشخيص
ثم حط سماعه على الصدرقال اص
اسمع الي بصدرك حساس ووصاويص
نبي نسوي لك اشعه ونفحص
نفحص اللي داخل الصدر تمحيص
سوي الاشعه قال ياصاحبي بص
لايدخل احد بصدرك دون ترخيص
لقيت في صدرك مواطي قدم لص
والقلب مقصوص من الصدر تقصيص
وانته عن اللي السارق قلبك ابخص
قلت ايه ادري به وعن وضعه ابخص
هذاك مايرخص لو الناس ترخص
وانا بعد عنده ماني رخيص
بيني وبينه قلبي النص بالنص
لا والله الا كله بدون تنقيص
مادام هذي علتي ياطبيب اص
ماني في حاجه علاجك وتشخيص