[العرنين]

سلاااااااااااااااااام كثر وااااااااجد وكثر اكثر شي في العالم
وه ،، يا حبي لكم بس
لبيه يا ابو عيون وساع
ابشر عشانك نسدح ابو ام الموضوع واللي يدري يدري واللي ما يدري بكيفه
..............
يقولون والعهده على وكالة يقولون ، يقولون كان فيه غزلة مزيونه بالحيل
اكثر من ازين غزاله شفتوها
هالغزاله يا طويلين العمر والسلامه كانت على نياتها وقلبها طيوووووب وحبوبه مره
جا يوم ونزلت مع اهلها اجازه بديره حلوه وكان في الديره هذي قرود واجد
شافها واحد من القرود و فغر حتى وصل برطمه الين سره
وقام يتشقلب وينطط قدامها وكل شوي يجيب لها حركه جديده يبغاها تلتفت
الغزاله كانت تضحك على حركاته تحسبه يبغا يسليها لانها غريبه عن الديره
قالت يا زين السياحه بها الديره ، سيرك ببلاش
وقامت تتابع الحركات ، وابو قروّد شغال ، كل ما راحت لمكان وهو يلاحقها
ويتنطط قدامها ، ويسوي نفسه اهبل كثر ما هو اهبل وزود
مرت الايام و الغزاله ماهي معبره ابو قروّد ، شكا حاله لواحد من اصحابه
قال لازم اشوفها اول واحكم
راحوا الاثنين وشافوا الغزال قاعده ومنسجمه تسمع اغنية
شاطر شاطر للمطرب منسي عقرب
شافها القرد الثاني وانصرع اكثر من اول ، هالمره هذا وصل برطمه الى ركبته
وقاموا اثنينهم يتنططون من شجره الى شجره ومن جدار الى جدار
مرت الايام و كل يوم يطب قرد في السالفه
وصارت شغلة القرود بس ملاحقة هالغزاله والتنطط قدامها
الين جا يوم طفشت الغزاله من جد وقفلت اخلاقها وراحت لابوها وقالت
بابا طفشت والقرود ازعجتني يا الله نرجع ،،وبالفعل سافروا و انقطعت اخبارهم
من يومها والقرود مريضه وحزينه وتسمع مزعل فرحان
ولا عاد تسوي شي كله بسبب الغزاله اللي ما عطتهم وجه ، ويا خسارة التنطط بس
.
ما يستفاد
.
1- بعمر الغزاله ما حبت قرد
2- امسك عمرك لا تنطط واجد يا ابو قروّد
3- لا تسمع مزعل تالي الليل ترى بتصير قرد
4- ولا شي بس ابي ازود رقم
.
الى اللقاء وفي روايه مع السلامه