[نسيم السروات]

بسم الله الرحمن الرحيم

أخواني / أخواتي / عضاء منتدى زهران


في هذا الموضوع أرغب فيه إحياء تراث أباءنا وأجدادنا ونتكلم بلهجتهم القديمة ونحييها

وهي لهجة محببة إلى النفوس وأغلب لغة أجدادنا من اللغة العربية الفصحى وتوجد لها أصول في

القرآن الكريم والسنة النبوية المطهرة .

فلن أطيل عليكم خلونا نتهرج مع بعض بسواليف الأولين ولكن أمل أن يكون ذلك في حدود الأدب

والأخلاق وعدم الخروج بالموضوع إلى شاتات فيها نوع من الغزل أو الغزله أو تجريح لأحد

وأنا واثقة فيكم يا أعضاء منتدى زهران كلكم مؤدبين وخلوقين وعشمي فيكم أكبر من ذلك

تكلموا عن عادات الأولين وتقاليدهم بحيث يتكلم الواحد منكم أو الواحدة وكأنه عائش في

بلاد زهران قبل 40 سنة بحيث يتكم عن الصرام والدياس والزراعة والحراثه ورعي الغنم

وما شابه ذلك . مع توضيح لبعض الكلمات الغريبة بين قوسين .

أكيد توضحت الفكرة لديكم .

هيا نبدأ بأسم الله .

-------------------------------------


قامت الكهلة والقحم مع فجر الله وكعادتهم دائما في مناقرات ومهاوشات كل صباح .

ثم يرجعون يتقهوون مع بعض ولكن صار شي بينهم : (قارونوا بينهم وبين زماننا )


الكهلة :
لا إله هلا الله محمد رسول الله أصبحنا وأصبح الملك لله .

تعال ياشيبه أن كان ودك تطهر وتروح تصلي الصبح في المسيد أني حميت لك كفكير(ن)

ماين فوق الفحم وبقيامك الله لا يهينك قوم الورعان يصلون معك ويغدون يسرحون بالغنم .

القحم : يحوووه يحوووو الله لا يعطيك العافية في ذا الماء خصرن كسر أيديه هويه ياشيطان ماحميته جهدا

نفروا بك مع ذا الصبح خذيها وتكمدي عليها .

الكهله : لا والله ينفرون بك أنته قهرنا فيك مايعجبك العجب ولا الصيام في رجب ما ينقدر فيك

من يوم خلقت وأنا شقيه معك ماقد سمعت منك كلمة هيله ماهلا تنذر بيه وكل صباح تديس وتذري فوق

روسنا ياليت ربيه يأخذ وداعته ويرحنا منك . >>>>> الكهله ضايقه من البارح مفقوع قلبها من القحم .

القحم : أعقبي أعقبي في ذا اللسان الله يجعله بالقطع مقدر أقول لها كلمة إلا ترد عليه بعشر(ن) أصه لا عاد أسمع منك

ولا كلمة تراك تتحثلينها ذا الحين وأجيك بتالعصاء أقرش بها ظهرك .

الكهله : أقترشوا ظهرك والله ماتقدر فيه وأنك أن سويتها أني لفلح عند أهليه ولا عاد تشوف وجهي هاسمتعت منيه ؟؟

القحم : تعالي تعلي يافرختيه والله أني ماغير أمزح معك وشمعك أنتي ضقتي كذيه >>>> خاف أنها تروح وتخليه

لا شفتيني ضايقن حيل من وجهيه عقوف ماأغلط عليك هيا قومي وجيبي القهوة وصحن التمر عقوف (عشان)

نتقهوى ونعين من الله خير ونسرح أنا وأنتي نسوق بالهوش (السانية ) أنا أسوق وأنتي تحولين

وخلي عنك الغزله أنتي لا تكونين مرة حنوسن معيني القى كماك ولا بتلقين كماية .

الكهله : راحت ملح مع الكلام الحلو ونسيت صبحية القحم .

وقامت قهوته وسوت له الفطور وأفطروا وسرحوا يسوقون البلاد وهم مبسوطين .

___________________


اللي بعدي أن كان وده يكمل القصه أو يتحدث عادي مع أحد الأعضاء مثلاً :

يجي عضو ويتهرج مع عضو ثاني مثل كما لا يجي الزلزال ويتهرج مع عساف

أوالعندليب مع السرف أو قلب من ذهب . وهكذا بقية الأعضاء .

وأنا أجي وأتحدث مع أحد البنات أو كل المجموعة تسولف مع بعض ومثل ماقلنا كل شي في حدود .

وحياكم الله مرحباً هيل عد السيل .