[rams]http://salemsayar.com/web/tQa6e3/t,al6ef.ram[/rams]
تجيني طيف ياعمري على جنحان شوقي لك
أخاف أرمش من عيوني وأبعثرصورة وصالك
حبيبي لاتجيني قول وين أنت وأناآجي لك
أبيك تقول وين أنت وعلى عيوني أناأسعى لك
وربي فوق روس الشوك لأخلي القلب يمشي لك
وأخلي ظلالي يسبقني قبل يحظني منزالك
ثواني بس أبتهندم من عيونك وأبهديلك
في عينك ضحكة حتى تكحل عين عذالك
يقولو الناس في غيابي يشب القلب ويضوي لك
حنيني من وهج شوقه يميل القلب لامالك
قضى دمعي من عيوني أبي من عينك أبكي لك
أبنثر من ورا عيوني دموع عيون ترحالك
وحتى الشوق من صبح الدرايش قام يهديلك
عصافير الرضا ترفرف على بيبان مدخالك
هناترمي صباح الخيرقبل لاتروح وأدعي لك
وهناتضوي مساء الخير في عيني من أهدابك
أنامن الليل يقطفني شعوري لك وأغني لك
أنامن الصبح يليلني الحزن من لون موالك
حرام الليل ماهو ليل إذاماكنت في ليلك
وحرام الصبح ماهوصبح إذا ماكنت بظلالك
تروح وقلت أحط عمري على كفي وأنادي لك
نزعت العمرمن شفت الغلا بالروح نادالك
بربك قول وش سوى الفراق بوجه منديلك
تسيل ألوان طيفي فيه إلامن البكا سالك
(حبيبتي) لايبكيك الفراق ولايهد حيلك
أخاف الدمع من عينك يجفف صورتي فبالك
تعال أحتاج أسولف لك عن الأيام وأشكي لك
وأفض غيم الحزن وأنثر حنين الشوق بإقبالك
تعال وحط في قلبي هموم الفرقى وآشيلك
لأن القلب ماهو قلب إذافي نبضه ماشالك
وقف دمعي من عيوني أبي من عينك أبكي لك
أخاف أبكي على طيفك وأبعثر جية(ت) وصالك
اهداء الى من سكن قلبــ
ــي