[رعـــودي]

السلام عليكم ....


اختصار للبس اللي حاصل ولسوء الفهم....

الـ HD "عالي التعريف" هي قدرة الشاشة على أقل تقدير على عرض 720 خط أفقي .... واللي بعدها هي 1080 خط أفقي...

وال720 وال 1080 هذي دايم تكون عرضها إنترليسد واللي يرمز لها بالرمز i، يعني 720i و 1080i، وطبعاً لان هذا هو الإعداد الإفتراضي غالباً لا يكتب حرف الآي "i".

وطبعاً فيه نوع أفضل من الإنترليسد "i" واللي هو البروجريسف سكان واللي يرمز له بـ "P". وتصير 720p و 1080P.

واي تلفزيون يدعم 720 العادية فما فوق يعتبر تلفزيون عالي التعريف HD.

HDMI هذي نوع المدخل المستخدم وشكله يشبه شكل اليو اس بي..... واللي بدورها تستخدم كيبل خاص فيها وغالي السعر ونادر تلقاه عندنا في أسواقنا بشكل عام. ولا تلخبطون بينها وبين شي ثاني اسمه DVI ... هذا المدخل تقريباً أداه نفس أداء ال HDMI لكنه ما ينقل الا الصورة فقط بعكس الHDMI اللي ينقل صوت وصرة.

أغلب التلفزيونات اللي عنندنا ما فيها HDMI لكنها تعتبر تلفزيونات عالية التعريف لأنها تدعم درجة وضوح 720 فما فوق....

تلفزيونات سوني البرافيا فيه منها نوعين في السوق... نوع فيه HDMI ونوع ما فيه... لكن النوعين كلهم تلفزيونات عالية التعريف وكل النوعين ما يدعمون ال 1080P.

ال HDMI في الوقت الحالي ما فيه أي جهاز تقريباً ممكن يستفيد منه ما عدا جهاز مشغل دي في دي موجود عند البايونير وسعره 3000 ريال سعودي.... وفيه شركة دينون عندها مشغل دي في دي فيه مدخل HDMI لكن وكيلها غبي واسعارها مبالغ فيها....

الفرق بين ال 1080i وال 1080p فرق مو كبير جداً... ولا اعتقد انه يستحق الزعل أو البحث عن بديل....

ترتيب المداخل (المنافذ) من حيث الأفضلية
1- HDMI هو الأفضل في الوقت الحالي ويحتاج إلى كيبل خاص وينقل صوت وصورة بدون ضغط
2- DVI أقل مستوى بشي بسيط من الأول ولكنه إندثر بسرعة مو لأنه سئ بس لأن ال HDMI ظهرت بشرعة بعده ولا ينقل إلا صورة بس
3- الكمبوننت واللي هي الكيبل الأخضر والأحمر والأصفر.... طبعاً هذي تعرض الصورة بس... لكن أغلب النوعية هذي من الكيابل يجي معها كيبل صوت واللي هو الابيض والاصفر.
4- S-Vedio وينقل الصورة فقط
5- الكيبل الأصفر العادي اللي ينقل صورة بس

من أفضل الشاشات الموجودة في السوق إن لم تكن أفضلها هي شاشة البلازما للبايونير واللي تحتوي على HDMI وتدعم حتى 1080i

شاشات البلازما تتفوق على شاشا الكريستال السايل LCD من حيث ان شاشات البلازما لها زاوية رؤية كبيرة وتتعامل مع المشاهد السريعة بشكل أفضل وتباين الألووان الأسود والأبيض فيها لا ينافس...

شاشات الكريستال أفضل من البلازما من ناحية وضوح الصورة وخفة الوزن وهي المستقبل القادم للتلفزيونات....


أتمنى يكون موضوعي هذا جاوب على بعض الاسئلة اللي كانت تدور في رؤوس البعض ... وحياكم...