[عبدالرحمن الزهراني]

[poem=font="Traditional Arabic,6,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]

الحب هذا .. قلوب تعلقت في قلوب=يا من سكن جده وطرفي عجز ياصله

لكنّي اخيل زوله في كثير الدروب=يسكن بعيني ما بين الدمع ومهامله

لامن تخيلت ضحكات الغوي اللعوب=تاكلني الحسره والتعبه ولا تاكله

واليوم بعده محطات انتظار وهروب=استعبد الشوق فيها دمعة ٍ واهله

شفني بعد غيبته انسان يا دوب دوب=تنقله خطوه بصحرا حبه القاحله

انسان مطرود من جنسه لكثر العيوب=مجهول في عالمه كم عالمه جاهله

منبوذ رغم اختلاف الناس طبع وسلوب=يمكن سبق وقته المفروض اوغافله

قديم ، رث وعليه اثار وقت وشحوب=ولا يذكر انه احد من الناس قد جامله

في وجه اقسم لك انك تعرف انه تعوب=ينبئك عنّه هزال الجسم ومفاصله

وحيد ماله صحاب ولا مسوّي قروب=يستوحش الخلق من شوفته ومقابله

لو يعشق النجم يستجديه سر الغيوب=يحلف له الليل ان النجمه ذي آفله

تسكنه رجفه .. يغص وتبتلعه الدروب=امرّ من خطوته ثقل ٍ على كاهله

وده يعشي الشفق احيان قبل الغروب=صعلوك حرفه بلا نقطه بلا فاصله

لكن شي ٍ بقوله قبل نبضي يذوب =ويمكن نسايم عبير الشوق تتناقله

اني ورب العتب والطيش مالي ذنوب=غير اني اهواك وان الحب منك آمله

يمكنك اصدق شعور مر بين الجنوب=من ظلم وقتي وظلم الناس والقافله

لذا مسوي قلق او منتحي في سروب=اغض طرفي اعيش بلوعة ٍ قاتله

لي قلب يذنبه مره ، مرتين ويتوب=بس الحقيقه طوال العمر هو شاغله

والحب هذا قلوب تموت فيها قلوب=يا من سكن جده وكلي عجز ياصله[/poem]