((البارت السادس ))
&&&&&
&&&
&&
&
مو مهم إني أمرّ ..المهم :إني إذا مرّيت ..
في دآخلك ، أترك أثر !.....
ملاك بصدمه : فييييصل ....لف فيصل على مصدر الصوت وكأن مكبوب عليه مويه
فيصل بارتباك : م......م ......ملااااااااااااااك ...
ملاك انقهرت وولعت على الاخر ....تركته وراحت ...وهو يجرري وراها ....
فيصل : ملاك ....ملاك ...اصبري ..!!!
ملاك : لوجين يالله ...بسرعه ...
لوجين : يالله ........وراحوا للسياره وفيصل وراء ملاك
فيصل: ملاك دقيقه ...خلينا نتكلم
ملاك : مابيننا كلام ...اساسا انتم اتهمني ....لو كنت تمشي مع مليون وحده ....لانك بنظري حشره ...
وقربت من السياره ....وهو ما ياس لحظة ....جاء ولفها بقوه على اتجاهه والسياره وراها
ملاك تناظره : بعد عني ....بعد ....!!!!!!!
فيصل : ملاك انا احبك ....احبك انتي ....والله احبك
ملاك : ايه تبي تضمني للمجموعه اللي عندك ...
فيصل بحده وضغط على يدها بقوه : سؤال وابي جوابه ....وبعدها اوعدك ما تشوفيني ؟؟؟
ملاك بدون اهتمام : اسأل ...وخلصني !!!
فيصل : تحبيني ...مثل ما احبك .....والا ...لا ؟؟؟؟!!!
ملاك تناظره من فوق لتحت ((آآآآآآآآه احبك والله العظيم احبك .....بس ما اقدر اقول))ماردت عليه وراحت
فيصل ((مثل مالك على قلبي حقوق ٍ.. له عليك حقـوق…..و إذا انـّك مالكٍ شوقه .. فهو له ( قلــبك ) بكبره)).....
لوجين : ليش ماقلتي له انك تحبيه ؟؟؟؟
ملاك : مجنونه انتي اشوفه مع وحده ...واقوله احبك ....صدق انهبلتي ..
لوجين : على راحتك ...انتي ادرى .......رجعت للبيت وصوره الموقف ببالها ماتفارقها ...ويزيد قهرها
وغيرتها .....امتلكتها الغيره ...ونار القهر تزداد طولا بقلبها ...وخانتها دموعها ....وتتردد كلمته في اذنها
((انا احبك...احبك انتي ...والله احبك ))
ملا (( اه يالقهر ...انا كيف رحت وخليته مع هالحقيره ...الا كيف ما مسحت فيها الارض ...اخ بس لوكنت بعقلي كنت راح اوريها نجوم الظهر )).....
فجاءة ....(( ياليتني مكانها ....ياليتني انا اللي مع فيصل انا اللي اخفف عنه همومه واحزانه ...اوف مليت والله مليت ودي اقول له اني احبه وارتاح )) اندق باب غرفتها ودخل اخوها عبدالله ..
ملاك : هلا عبود ....
عبدالله : كيف ملوكتنا ؟؟؟؟؟
ملاك : الحمدلله بخير .....
عبدالله : ما ودك تروحين للمدينه ؟؟!!
ملاك تجامله : الا والله ودي ....مشتاقه لجدتي واعمامي وخوالي
عبدالله: اجل بكره بعد المغرب راح نمشي
ملاك : انشاء الله ....برتب اغراضي الحين
عبدالله : اوكي ...طلع من عندها وحس انها مو فرحانه مثل كل مره يقول لها بنروح المدينه
ملاك وهي ترتب اغراضها : ليش مافرحت مثل كل مره ؟؟؟؟ ....آآآآآآه منك يافيصل ....هبلتني ...
ياربي ويش راح يصير فيني ...يارب دلني على الطريق ...بعد مارتبت شنطتها نامت عشان تستعد للسفر ....
بعد المغرب صلت ولبست ...وراحوا للمدينه هي ..ومحمد وعبدالله وثامر وفارس ...
بالسياره ..مع الطريق ....بس تفكر في فيصل واللي صار
ثامر: ملوكه ...ويش فيك ...شكلك مو على بعضك ؟؟؟
ملاك : مافيني الا العافيه
محمد: لا مو معقوله ...ملاك ساكته .....الا اكيد فيك شيء ....
ملاك : سلامتك ....قلت مافيني الا العافيه ....قاموا اخوانها يسولفون ويضحكون وينكتون وملاك في عالم غير عالمهم .....ترميها امواج بحر افكارها على شواطئ من الاسئله ...وجزر من الافكار ...وعواصف الاجابات التي ترد بها على تساؤلاتها .....الساعه 9 وصلوا المدينه
محمد : اول شيء نروح عند خوالي
ملا تعارض: لالا ...نروح لاعمامي عشان بعدها نطول عند خوالي
ثامر : وجهه نظر ......
عبدالله يالله اخلصوا علينا
محمد : خلاص عند اعمامي ........اتجهوا لبيت اعمامهم ...والكل فرح بجيتهم ورحبوا فيهم وسلموا على جدهم واعمامهم وعماتهم اللي تجمعهم عماره مكونه من اربع طوابق ...وفيها 10 شقق كل عائله في شقه
بعد ما انتهوا من اعمامهم اتجهوا لبيت جدتهم ((بيت خوالهم ))....عائله ابو ناصر <<نتعرف عليهم <<
ناصر ((ابو سلطان ))55 سنه الخال الاكبر متزوج ويشتغل مدير في شركه ارامكو <<عائلته راح نتعرف عليها بالاجزاء الجايه
منصور 45 سنه متزوج ...لكن ماعنده ابناء لان زوجه عقيم ....وماتزوج عليها لانه يمووووووت فيها ..
فاطمه 40سنه ام فراس ربه بيت .....
((عائشه ))ام محمد ...بس متوفيه <<ام ملاك>>
بندر 30سنه ظابط ...له سنه متزوج من بنت عمه
هشام 29 سنه يشتغل مدرس رياضيات ...وغير متزوج ....وراح نعرف ليه
بدر 27 سنه ...اتخرج من الجامعه وينتظر الوظيفه
سطام 25 سنه يدرس هندسه مكانيكيه
لمياء 19 سنه ...اخر العنقود ...ثالث ثانوي ...ومرحه جدا ...وحبوبه ..بس ما تعرف تسكت ابدا وهي وملاك مثل التوئم
((عائله ابو فراس ))
فراس 28 دكتور مخ واعصاب
وصايف 22 سنه خلصت الثانوي بس ما جابت نسبه تدخل فيها الجامعه ..بنت هاديه وعاقله ..
وتحب محمد اخو ملاك ....
ابتهال 18 سنه ثاني ثانوي ........بنت مرجوجه ....واجتماعيه جدا ..بس راح نتعرف عليها اكثر خلال
الاحداث
مالك 10 سنوات اصغر العنقود ...رابع ابتدائي
فتحت لمياء الباب لما سمعت الجرس ....وكانت معصبه
لمياء : اخوان طل ...مايقدرون يقومون يفتحون الباب....فتحت الباب وشافت ملاك
لمياء بصراخ : ميمي ....
ملاك : وحشتيني ............ضموا بعض عند الباب كان لهم سنين ماشافوا بعض
محمد : ياعرب نبي ندخل ...مسوين زحمه ترى
لمياء: هلا وغلا ...حيااكم ....اقلطوا ...وسلمت عليهم واحد واحد ...دخلوا للمجلس ..الي كان فيه الجده وهشام وسطام
الجده لما شافتهم : يااهلا بالغالين عيال الغالين ....تفضلوا ...
ملاك تروح لحضن جدتها اللي ربتها : يمه ....وحشتيني ..اشتقت لك
الجده تضمه : والله انا اللي ولهانه عليك يا يمه ....ياهلا يمه تو ما نور البيت
محمد يحب راس جدته ويدها : منور باهله يمه ...
ثامر : وحنا مالنا بالطيب نصيب
الجده : تعال يمه ...تعال ...قام يحب راس جدته ويدها وجاء عبدالله وسوا نفس الشيء بس فارس جلس عند اعمامه ...لانهم حلفوا عليه مايروح لانه اغلى واحد عندهم ....
الجده دمعت عيونه : يااااااااارب تحفظكم وتخليكم لبوكم ...ولي يا نور عيوني ....
هشام : والله جيتكم فرحتنا
عبدالله : والله احنا اللي فرحنا ...يوم نشوف هالوجيه السفره ((الزينه ))
سطام : ياهلا وغلا بالغالين ...
ملاك : هلا بك ...يا خالي .....شخباركم ويش مسوين ؟؟؟؟1
الكل : الحمد لله ...كلنا بخير
هشام : ويش هالحلا يا ملاك ...كل يوم تحلوين
ملاك : عيونك الحلوه يا خالووووووووووووو ابو الهش
لمياء : اقو لانا مالي خص ملاك عندك قل لها تدور لك بمعرفتها ......!!
ثامر : ويش تدورلها ؟؟؟؟
لمياء خالك سبع البوادي ...وده يتزوج من وحده حلووووووه ...وحاط شروط ...ومن هالشروط
انها تكون تشبه اختك المصون ...يا ابن اختي
عبدالله ..وثامر ماتوا ضحك على خالتهم المخبطه ...
ملاك : هههههههه واخيرا واحد يقدرني
الجده : ياوليدي لا تتشرط ....بكره تطب لك طبه ....بوحده الله العالم .....
لمياء: الللي يتشرط ياخذ اخس شيء ...وتغمز لعيال اخنها ....اقول محيميد ((لقب لمحمد)) متى
ناوي تتزوج
الجده : أي والله يا يمه ودي ...افرح بكم على حياة عيني ...
محمد : الله يطول بعمرك يا يمه ...على يدك دوري لي انا صكيت 28 ولازم اتزوج ابي بنت ناس
واخلاق ومتربيه احسن تربيه ...عندك طلبي
الجده : ايه والله عندي ...ويش رايك بوصايف بنت خالتك ...ماعليها قصور
ملاك : والله ونعم البنت اخلاق وجمال ...ونعرفها زين ....انا اايد كلام امي
الجده : يمه شاور ابوك ....ولو تبي اخطبها لك اخطبها ...
محمد : خلاص بكلم ابوي ....وارد لك خبر ...
سطام : اجل ويش رايكم نخلي زواج هشام ومحمد بليله وحده
عبدالله : ونعم الرائ
لمياء : ونضرب عصفورين بحجر واحد نفتك من شيابنا ...
الكل : هههههههههههههههههههههه
هشام : اهبيء ...انا شايب ...يالعجوز المنتهيه
محمد : بسم الله علي انا وهشوم من الكبر حنا مطيحين بنات المملكه كلها
سطام: هههههههههه كثروا منها يا براد بيت وتوم كروز .....خخخ
الكل : خخخخخخخخخخخخخخخخخخخخخخخخخخخخ
ملا : بس بس لايكثر هرجكم ....وهشام انا بدور له ...هذيك البنت اللي تخقق
لمياء: أي والله تكفين ...شيبت وانا ادور له ......جوا خوالهم بندر وبد ر ومنصور خالتهم ام فراس
واحلوت الجلسه اكثر
ام فراس : اقول يمه محمد
محمد : سمي خالتي
ام فراس : سم الله عدوك ...بس ترى ابو فراس عازمكم بكره بالاستراحه حقته ومسوي لكم عشاء بمناسبه
جيتكم
عبدالله: ماله داعي يكلف على عمره يا خاله
ام فراس : عاد انتم ابخص بعمكم ابو فراس
ثامر: خلاص يا اخوان ...ماتعرفون ابو فراس ...مالنا غير نقول ..تم
لمياء: العزيمه كبيره
ام فراس : ايه كبيرة عاد هاه الله بالكشخه ...تراني عزمت حتى جاراتي
ملاك : لا توصين يا خالتي ........الفجر ناموا ....وقاموا العصر يتجهزون للعزيمه ...اما لمياءوملاك
استشواروا وحطوا مي كاب خفيف وناعم ...
ملاك لابسه فستان اسود قصير وحبل ...الظهر مفتوح شوي ...وفيه تطريز خفيف عند الصدر وكان طالع على بياضها يجنن ....وشكلها كيووووووت
لمياء لابسه تنورة وردي قصيره وبلوزة ابيض ماسكه على صدرها ...وشكلها خذاب وناعم
راحوا للعزيمه
وصايف : هلا والله يا ملوكه منورة بطلتك اليوم
ملاك : النور نورك حبيبتي
ابتهال : ملاك ...تعالي بنعرفك على بنات اعمامي ...اخذت ابتهال ملاك ولفت فيها ودوختها ...
ملاك ما تعرف الناس مره لانها ماعاشت مع اهلها ...فداخت من كثر من تسلم على هذي وتتعرف على هذي
احلام ((بنت عم وصايف )): سمر ...شوفي هالملاك ...ياحلوها
سمر : حبيبتي شوفي خالتي ام وصايف ووصايف ولمياء ...وقيسي على جمالهم ...ملاك ...
((طبعا خالات ملاك وعائلتها معروفين بالجمال الساحر والعيون الواسعه والجسم الرشيق ...والبياض ))
احلام : والله صدقتي عمتي ام وصايف اللي يشوفها مع بناتها يقولون اختهم مو امهم
سمر: انت ابتهال ...تقول لي ان ملاك ...ملكه جمال ...بس ماصدقتها ...قلت يمكن مثلهم تعرفين العرق يجر ..بس ما توقعتها كذا ....غطت عليهم كلهم بالجمال..
احلام : اشوف خالها هشام ..يقولون ..يقول ..ايبي الا مثل ملاك ....!!
سمر: ههههههههه ..اجل شكله بيجلس بدون زواج
لمياء : ملوكه ..تعالي عندي ...طبعا ملاك كانت طفشانه مره ...ماتحب العزايم مرررره بعد ماسلمت راحت بمكان معزول واختفت عن الانظار ....زخلصت العزيمه ورجعوا البيت زهقانين
لمياء : اووووف العزيمه بارده ....
ملاك : ما احب العزايم ...خير شر ...
لمياء بدت : شفتي الناس كيف يتكلمون عليك
ملاك بطفش وقرف : اوووف ...اكلوني بعيونهم ....ما احب اكون محط الانظار ...والله وانا ماشيه ما اسمع غير التعليقات ...هذي بخطبها وهذي ...الله يرحم امها ورثتها الجمال ..وذيك ..شوفي خالتها واحكمي
اعوذ بالله ما يذكرون الله
العيال : ههههههههههههههه
ثامر : والله انكم يالحريم مصااااااااايب
بندر: شكل ملا قرفانه مررررررررررره
ملاك : والله لو كنتم مكاني غير يطق فيكم عرق ...بغيت اموت احس يعدون رمشات عيني
الكل: ههههههههههههههههههههه
عبدالله: ماعليك منهم ...
لمياء: لا لو تشوف بنات عم ابتهال ووصايف بغوا يموتون عيونهم تطلق شرار ...خخخخخخ
الكل: افااااااااااا ليه ؟؟؟؟؟
لمياء : انا سمعتهم يقولون ...نشوف خالها هشام يقول ما ابي غير ملاك ...والثانيه تقول شكله بيجلس بدون زواج
الكل : ههههههههههههههههههههههههههههه
هشام : اهبم يالحريم ....عيونهم زايغه
محمد : يبي لهم محط بالخيزران ....وراح يمشون على العجين مايلخبطون
ملاك : يالله لولي خلينا نروح للغرفه عندي سوالف ...لو اتكلم سنه ما خلصتها
فزت لمياء من مكانها : يالله يالله على الغرفه .......
....راحوا للغرفه سوالفxسوالف xسوالف ....ماملوا ابد
لمياء: ملاكوه احسك مخبيه شيء ...لاتكوننين ..تحبين وانا الله بالخير .....
ملاك تغمض عيونها بهيام : دقتي على الوتر الحساس ..يا لولي
لمياء تحمست شوي وتصقع بالجدار: ملاكوه قولي ويش مسويه ...احس وراكي سالفه طويله عريضه وفيها اكشن ومغامرات
ملاك : لابالله قلبنا طرزان وموكلي ...انتي وجهك ...!!
لمياء: ولا تزعلين ..مغامرات ملاك الاموره ......كفختها بالمخده على وجهها ..وهي تقلب عيونها
ولمياء ميته ضحك باين انها عصبت
لمياء: خلاص انتي تكلمي وانا ما افتح فمي بكلمه .....
ملاك تتنهد : آآآآآآآآآآآه يا لمو آآآآآآآآه
لمياء فزت : سلامتك من الاه ....ويش فيه ؟؟؟...قامت تقص ملاك للمياء حكايتها مع فيصل
وقالت لها كل شيء بحذافيره .............وصفت ادق التفاصيل ونظرات ...ما خلت شيء ابد
لمياء: عااااااااااااد .......حلو هالفيصلوه ؟؟؟؟؟؟؟؟
ملاك تغمض عيونها وتتذكر ملامحه : آآآآآآه ..ياويلي عليه يالمو .....يهبل ...الا يجنن ...لو تشوفينه تخقين عنده .....راح يعجب ...وقامت توصفه :.. طويل وجسمه رياضي عضلاته مرسومه رسم تقول منحوته ...
اسمراني ....عيونه واسعه ولونها اسود ...مكحله ....خشمه سله سيف ...اكتافه عريضه ..وله سكسوكه ...شعره طويل شوي اسود مجلجل ...يجنن ..ويش اقول ويش اخلي ...يذبح يذبح ..
لمياء تتخيل شكله : من وصفك باين انه شكله رزه
ملاك : اقولك بنات المدرسه ...ميتين عليه ...يتمنون منه كلمه ...لا وكله هذا عليه هيبه يالمياء تقولين ملك
امبرطور ...وستايله كوووووووووووول ...ياربي انا ذايبه عنده ...وطبعا قالت لها انها ماقالت له احبك
لمياء: تعجبيني ...ايه خلك كذا خليه..يركض وراك ؟؟؟!!!
ملاك : اقول لمياء.....؟؟؟؟
لمياء: امري ....
ملاك : ويش رايك تروحين معي جده وهناك ...تجلسين عندي تونسيني واونسك
لمياء: لو علي اروح بس امي ما ترضى تعرفين.......
ملا : امي لطيفه خليها علي وانا اقنعها .........راحوا للجده يطلبونها ان لمياء تروح مع ملاك جده
ومن هناك ومن هناك وبعد مشاورات وتفكير<<<لو يحلون مشكله فلسطين حلوها ...خخخ<<
وافقت الجده بعد ما تقطع قلبهم وهم يقنعونها ...
الجده : طيب بس متى ترجعين
سطام : لا تشيلين هم انا وفراس بعد اسبوعين بروح جده ولما نرجع نجيبها معانا
الجده : خلاص اجل .....طاروا ملاك ولمياء للغرفه يرتبون الشنط والاغراض لان بكره بيرجعون بعد ماجلسوا اسبوع ونص ...رجعوا لجده وارتاحوا
ملاك : ونااااااااااااسه .....يااااااااااااااسلام وصرنا لحالنا ...نفر على كيف كيفنا .!!!
لمياء طايره من الفرح : أي والله يا سلاااااااااااام لا حسيب ولا رقيب وخان معانا
ملاك : والله خان ذا ...خطير ....فله ...هو صندوق اسراي ...مايقول لاحد ابد تخيلي يعرف فيصل
لمياء: هههههههههههههه والله مو هين هالخان ...ياحليله
ملاك : متى تبيننا نطلع
لمياء: مدري ...اي وقت
ملاك تناظر الساعه : الحين يالله
لمياء : يالله .......كانت الساعه 10 دقت ملا ك على جود ...ومرتها ...بالسياره
جود : شو اخبارك لمياء من زماان عنك
لمياء: بخير دامك بخير ...انتي ويش اخبارك ويش مسويه
جود : الحمدلله ....نحمده ونشكره
ملاك : وين نروح
جود : البحر ...مروا اخذوا كوفي وراحوا على البحر ....
لمياء: اه بس لوعندي قصر على البحر
جود : كله احلام × احلام ...بس ياليت نقدر نحققها
لمياء : يالله كل وحده تقول امنياتها
جود: اتمنى اعيش في سعاده واستقرار ...والقى اللي يسعدني ويهننيني((جود عايش بين امها وابوها اللي ل يوم في هواش ....صارت تكره البيت من المشاكل وهي البنت الوحيده لااخ ولا اخت ))
ملاك : اوووووف ....لو اقولك ما خلصت ...بس اهمها ....وسكتت
لمياء وجود : ليه سكتي ...؟؟؟
ملاك تناظر البحر كانها تتهرب منهم ماتبيهم يشوفون لمعه عيونها وبريقها ....والدموع اللي تجمعت فيها
ملاك: اتمنى اقوله ...اني احبه ....بس ما اقدر ...ما اقدر
الكل": وليه ؟؟؟؟؟
ملاك مدري ..........مدري.... دق ابو جود لانه كان قريب من البحر ومر عليها واخذها
لمياء: نفسي اشوف ...اللي مخليك كذا ... اللي قلب لك قلبك وكيانك ....وقدر يملك ملاك
ملاك : فيصل .....آآآآآه منك يا فيصل
لمياء : فيصل وملاك ..... ياسلاااااااام قصه حب ولا في الاحلاااااااام
ملاك : يالله بس عن الهذره قومي نمشي شوي
لمياء : يالله .... تمشوا شوي على الكورنيش وقاموا يسولفون عن وصايف ومحمد
ملاك : تصدقين احسهم مناسبين لبعض
لمياء: والله انك صادقه
وهم ماشين ...ومندمجين بالسوالف ...كان في شابين معاكسين لهم بالاتجاه ...صدمت ملاك بالشاب الاول
وعور كتفها
ملاك : آآآآآآه كتفي ....
لمياء: بسم الله عليك ...لفت ملاك معصبه ...تهاوش الولد اللي صدمها
ملاك : هيه انت ماتشوف ...اعمى ....وجع ...فتح عيو......وسكتت
لمياء: ملاك خلاص ....احقريه
فيصل : ملااااااااااااااااااااااااااك ...اتجمدت بمكانها
فيصل : سلامتك فيك شيء ....كتفك يعورك !!!؟؟؟؟
ماجد : طول عمري اقول انه يوم يموت احد بسببه ...الحين لو كسرت كتف البنت ؟؟؟!!
فيصل : بسم الله عليها ........ملااااااااااك عورتك ؟؟؟
ملاك : هاه ....لا
لمياء: ملاكوه ....مين ذا ؟؟؟؟!
ملا ك: يالله مشينا ......وراحت وتركته
لمياء: ملاك مين ذا ؟؟؟
ملاك وهي طايره من الفرح : فيصل ...فيصل
لمياء: أي واحد
ملاك : اللي صدمت فيه
لمياء تضرب نفسها : ول خسااااااارة ....ما انتبهت له ...امشي نرجع بشوفه
ملاك لا والله ...امشي بس ...تبين تفشلينا !!!!
لمياء ((هين انا افشلك ......والله لا وريك وافشلك من جد ...وخليك تلقطين وجهك تلقيط *_*))
رجعت لمياء تلحق فيصل.......وملاك تلحقها تبي توقفها ....بس لمياء ماشيه العداد خخخخخخ
ملاك : لموووه ...لمياء بليييييييزززز....لمياء ....ولمياء معطيتها طناش ...البنت مابذنها ماء
لمياء لما وصلت عند ماجد وفيصل
لمياء..: لوسمحت .....لو سمحت ......لفوا ماجد وفيصل
ماجد وفيصل : نعم
ملاك ((ياويلي هذي بتفشلني )) وتحاول تلحقها ....
لمياء: أي واحد فيكم ...الي يقاله فيصل ؟؟؟.....(( مرفعه البنت *_* ....ههههههههه))
فيصل استغرب سؤالها : اااااااااااناااااااااا...********!!!
((( *__* )))
ليش لمياء لحقت فيصل وماجد ؟؟؟؟
ويش راح تقول لمياء لفيصل ؟؟؟ وملاك ويش بتكون رده فعلها ؟؟؟
ويش راح تسوي بلمياء ....معقوله تحرق الاخضر واليابس ...ويصيرون اعداء؟؟
وفيصل ويش راح يكون ردة فعله تجاه الكلام اللي راح تقوله لمياء له؟؟
وماجد ويش راح يكون انطباعه عن لمياء وكلامها ؟؟؟ وويش راح يعلق لفيصل ؟؟
معقوله تبدأ الحكايه من .....لقافه لمياء ....وتحديها لملاك
((مسكينه ملا ك...من جد راح تلقط وجها ......زززززززززززين ...وراح تعلن عن ........))
***************
(البارت السابع ))
((احبك بالدمع اكتبها ... احبك بالقلب اكتمها ... احبك رجيتك افهمها))
فيصل استغرب : انااااااااا....ليه تسالين ؟؟؟
لمياء تقزه من فوق لتحت وبعفويه وبرائه: لابس بشوفك واتمقل فيك ... بشوف هالفيصل اللي ازعجتني فيه ملاكوه ..!!
فيصل انصدم : ملاك
لمياء: ايه ملاك...ويش فيك مستغرب ....تصدق ... الحين عرفت ان ملاك عندها ذووق ...
اخيرا وصلت ملاك ....وهي معصبه
ملاك تمسكها : ياخبله ويشت سوين ...وتناظر ماجد وفيصل وتحاول ترقع اللي صار
ملاك : لاتأخذونها تراها مطفوقه ...وخبله ...ماعليها شرهه
ماجد ميت ضحك من جد موقف بايخ
لمياء : الحين انا خبله ...هين ....
ملاك : امشي امشي ...فشلتينا ...الشرهه علي انا اللي جبتك معي ...امشي
لمياء بخبث : ايه طيب الحين امشي بس قبل ...يا فيصل ترى ملاك .....لحقت عليها لا من جد يطيح وجهها
قدام الولد ....وحطت يدها على فمها
ملاك : قلت لكم ..خبله ...باي ...وسحبتها بقووووه ودفتها للسيارة ...
((بالسياره ))
ملاك معصبه وتصارخ على لمياء : ويش سويتي ....يا مجنونه ...؟؟
لمياء ببرود يقتل خساره ماخليتني اقول انها تحبك
ملاك تخنقها طيب يالميوه ....اوريك ..ما راح انسى نذالتك
لمياء بتودد: ملاك ...لا تزعلين ..انا ابي اساعدك
ملاك : انتي كذا خربتي كل شيء ....ما ساعدتني
لمياء تغير الموضوع : والله انك خطيره ...الولد قمر ...يهبل ...ايه ياربي هذول العيال ...
رزه وجمال ...
ملاك : اسكتي لا اكفخك الحين تراك موصلتها مليون
لمياء : خلاص سكتنا ...وتحط يدها على فمها
اما بالنسبه لماجد وفيصل .......
ماجد : هههههههههههههههههه من جد فشلتها ....
فيصل : لا وتقول بشوف هالفيصل ....هههههههههه ..سكت شوي ....هذا معناته ان ....
قاطعه ماجد : انها تتكلم عنك ...وهذا دليل انك تمثل شيء بالنسبه لها
فيصل يضرب يديه ببعض ...: بس لو ما سكتتها ...كان انكشفت كل اوراقها
ماجد : بس وربي طاح وجهها من الفشيله ...خخخخخخ
فيصل : وه فديتها ...ياربي تخقق
لما رجعت للبيت .....قامت تفكر ...باللي سوته لمياء
ملاك ((وانا ليه زعلانه ....لميوه وفرت علي المسافه .....يعني غبي لو مافهم كلامها ..لا اكيد فهم كلامها ..
كلامه واضح مثل الشمس ))
لمياء : وين وصلتي ؟؟؟؟؟؟
ملاك : باللي هببتي فيه الليله ...
لمياء حست بندم : ميمي سوري والله سوري ....نطت ملاك وضمتها وطبعت بوسه على خدها الوردي
لمياء استغربت : سبحان الله انهبلت ملاك ...ويش فيك قبل ثواني زعلانه من اللي سويته
ملاك تضحك : فديتك وفديت خبالك يالخبله ..احيانا احسك ثروه
لمياء : غريبه ويش سبب هالرضا علينا
ملاك : اللي سويته وفر على كلام ومقدمات وتمهيدات ...يعني جبتيها على بلاطه
لمياء بغرور: عشان تعرفين...قيمتي ...
ملاك : قومي يالله نرقص ....
لمياء : يالله .......وشغلوا المسجل ورقصوا ...بعد صلاة الفجر صلوا وافطروا وناموا
قاموا المغرب .....
محمد : بدري كان نمت بعد
لمياء: بالله عاد عن الملاغه والهذر الزايد ...جاني هشوم الثاني
ثامر: اقول افطروووووا بسرررررعه
ملاك : خير ويش فيه
ثامر: خبر طازه ...بس افطروا وتعالوا ....راحوا البنات افطروا ورجعوا عندهم
جلسوا ملاك ولمياء...وبصوت واحد : ويش الخبر ؟؟؟!
عبدالله: عن محيميد
ملاك : قل بسرررعه تحمست
ثامر: اخي الغالي واكبر العائله ...تحدث مع ابي اليوم ...واخبره بانه توكل على الله واراد ان يكمل نصف دينه
لمياء : ايه وشقال ابوك ؟؟؟
ملاك : ومين قال يبي ؟؟؟؟
عبدالله: وصااااااااااااااااااااااااااااااااااااايف......... وقفت ملاك ولمياء وضموا بعض
ملاك : كللللللللللللللللووووووووووووووووووش ...وينه وينه .....محمد ..محيميد ...
لمياء : ابو حميد ...حماده ...اين ذهبت ؟؟؟؟؟؟
جاء محمد : خير خير .....ملاك ولمياء يضمونه
محمد انخنق : ويشفيكم ويش صاير ؟؟؟؟؟
لمياء : مبروك ...مبورك
ملاك : الف مبروك ...ويازين من اخترت
محمد : قصدكم وصاااااايف
ملاك ولمياء: ايه
محمد يتنحنح: وازيدكم ...ابوي بيروح المدينه يخطبها رسمي ...وابتسم
ملاك : واخير بينقص واحد......
الكل: هههههههههههههههههههههههههه
محمد : اهبي ...اشوفك فرحانه ...عشان بتفتكين مني ...يالخاينه
ملاك : لاوالله ...بس بشوفكم متزوجين ...ابي اصير عمه ...خخخخخ
لمياء بتافف: باقي هالعله ...هشوم
ملا تفكر: بس لقيتها ...
لمياء : ويش؟؟؟؟؟
ملاك : تتذكرين بنت جيرانكم ميساء او ...نسيت اسمها
لمياء : قصدك ميساء بنت ابو رامي
ملاك : ايه ...البنت حلوووه تهبل ..
لمياء : أي والله كيف راحت عن بالنا ....الحين بكلم امي تكلم امها تشوف هي مخطوبه او لا
ملاك : يالله كلمي امي لطيفه هالحين
لمياء اخذت الجوال وكلمت الجده عشان تذكرها وتقول لها تكلمهم هالحين عشان على قولتها
ما تطير منهم ......طبعا الجده رحبت على طول وكلمت هشام
هشام :: يعني حلوة ..او عاديه
الجده : مزيونه ..ياولدي ..مزيونه وناعمه
هشام : بيضاء ...ومربوعه ((يعني موطويله ولاقصير متوسطه الطول))
الجده : ايه ...ايه
هشام : امممممممم....اجل توكلنا على الله ....كلميهم واعطيهم خبر ..عشان اذا وافقوا نروح ونخطب رسمي
الجده : هذي الساعه المباركه ...الحين اكلم ام رامي ...
اما بجده وتحديدا بغرفه ملا ك ولمياء ؟.. اللي قاموا يخططون للزواج والشبكه ويش راح يسوون ويش راح يحطون .....وتوقعات ..ومدري ويش <<تعرفون البنات بهالامور...هواميرررررر ...خخخخخ>>
الساعه 10 راحوا للسوق عشان لمياء تبي تشتري لها ملابس وعطورات ..
ملاك بملل: اوووف خلصينا ..اشتري
لمياء : خلص باحاسب ..وبعدها نروح لمحل العطور
ملاك : ابشري ...حاسبوا وطلعوا ...شافت ملاك فيصل اللي طبعا اليوم ما ترها قام يمشي وراها
دخلوا محل العطور ...
فيصل: شفت راحوا محل العطور
ماجد : اجل ادخل وراها ياخبل
فيصل : تهقى .؟؟؟؟؟؟؟؟!11
فاهد : اقو لانا بدخل بشتري عطر تعال معي رز الفيس ...خخخخخخخخ
فيصل : هين مردوده لك ..يا تبن ....امش بس امش ...لا يكثر هرجك
دخلوا المحل
لمياء : لوسمحت العطور اللي توها نازله اعطيني منها عينات عشان اختار
البايع : تفضلي وطلع لها كم عطر ...
ملاك ما انتبهت لفيصل : لمياء بروح اشتري لمحمد عطر هديه بمناسبه خطوبته
لمياء : بدري بدري ليه مستعجله
ملاك : خير البر عاجله ...خخخخخخخخ
لمياء : بايخه ..روحي يالله ......اتجهت ملاك لقسم العطور الرجاليه ..وفيصل وفاهد
بنفس القسم ...بنقون عطر ...للسيد فاهد ....جت ملاك وطلبت عطور عشان تختار اللي يعجبها
لمياء : ميمي اختاري هوقو ..احلى شيء
ملاك : اممممممممم محتاره ...
لمياء : شوفي هذاك اللي عند الولد وتقصد فاهد ... ترى ريحته روعه عند سطام مثله
ملاك : لوسمحت جيبه لنا ...
البايع : حاضر ....كانت قريبه من فيصل مرة دق جوالها ...ومسك الشنطه اللي حاطتها على الجهه اللي فيها فيصل ...بالصدفه ويدها في طريقه للشنطه مرت على يد فيصل ...حس فيصل بيد ناعمه لمسته
ملا بارتباك : سوري ماكنت اقصد .......لف عليها فيصل
فيصل بنظرات حنونه : خذي راحتك ...نزلت عيونها حست باحراج فضيع ..بتغير نظراتها
ملاك : خلاص اعطنا هذا واشرت على العطر ...
البايع طيب
ملا : ياليت يكون بعلبه هدايا
البايع : حاضر .....حطت يدها على الطاوله الزجاجيه الفخمه اللي تفصل بين البايع والمشتري
فيصل تجرأ وحط يده فوق يدها الناعمه الحريريه وملاك ساكته مستمتعه وهي بجنبه ...
ومستمتعه اكثر ويده فوق يدها ...
فيصل يهمس باذنها : ملاك ممكن اقابلك بمطعم او كوفي ؟؟؟؟
ملاك: ..............سحبت يدها بشويش وهي ساكته
فيصل : اعطيني جوابك .....بليييييززززز...
ملاك ((ويش تنتظري ياملاك ...وافقي وشوفي ويش عنده ..ويش بيقول )): وين
فيصل : على سفينه ......!!
ملاك : اوكي الساعه 11 ونص اكون هناك
فيصل : طيب بس ترى المكان عوايل يعني مظطر
ملاك قاطعته : فاهمه ...فاهمه
فيصل : اوكي انا بانتظارك .......بسرعه حاسبت واخذت لمياء ولمياء ومو داريه عن شيء وطلعوا
لمياء : ويش قال لك...؟؟؟
ملاك: ماتصدقين !!!!!!
لمياء ..ويش قال ...يالله قولي ...لا تنرفزيني ....
ملاك : عزمني على العشاء بسفينه ........تعرفين هالسفينه ....بالليل تهبل ...رومنسيه حيييييييل
لمياء: وافقتي
ملاك : ايه قلت فرصه اشوف ويش عنده
لمياء ..: وانا
ملاك : تروحين معي ...خبله اروح لحالي ...
لمياء : هذا العشم بملاك
ملاك : يالله خلينا نروح البيت اكشخ ...يالله يمدينا ....
لمياء : يؤ يؤ يؤ يؤ لو يدرون عنك اهلك غير يذبحونك
ملاك : لمياء انا واثقه فيك ..وعارفه انك لو تموتيت ماتقولين لاحد
لمياء : لاتوصين ...راحوا للبيت بسرعه وكشخت ملاك وطلعت من جد ملاك لبست بنطلون جنز ..
لونه ازرق فاتح خصره نازل زي اللبنانيات . عند الفخذ والساق فيه فتحات كانه مقطع ....والجيوب مطرزة بلولو ابيض وفيه حزام ابيض تحت الخصر ...ولبست بلوزة ماسكه على صدرها لونها ابيض وفيها فتحه على شكل دمعه طالع منها سلسال لولو ابيض لاف على رقبتها ...ولبست كعب مريح ..وشنطه سماوي
وكحلت عيونها ...ولبست عبايه مطرزة بالاحمر والازرق ...واتلثمت لثمت دلع
ملاك : ويش رايك لمياء ؟؟؟
لمياء : بسم الله مشاء الله ...تجننين
ملاك : يعني راح اعجبه ؟؟؟؟؟
لمياء : شووووررررررر......
ملاك : يالله يادوب نلحق ......وراحوا لمكان الموعد .بالطريق
ملاك : تتوقعينه كاشخ ؟؟؟!!!!وويش لابس ؟؟؟
لمياء : اتوقع تي شرت وبنطلون
ملاك : لمياء ...ويش رايك فيه ؟؟؟
لمياء : يجنن والله ياميمي..يعقد ... جسم وشعر وفتله ...
ملاك : يعني عجبك ؟؟؟
لمياء .: يس ....تصدقين ..احسه قبيلي
ملاك : مادري والله ...اصلا ماخطر ببالي هالشيء اصلا بالصدفه عرفت ان اسمه فيصل
لمياء : اسئليه بعدين
ملاك : بستدرجه......
لمياء : ياعيني عليك : لئيمه
ملاك .ههههههههههههههههه...وصلوا للمكان ...ملاك تتلفت تدوره بس ما شافته
ملاك : وينه وينه ....
لمياء : مين ؟؟؟!!
ملاك : عصبت .:.يعني مين فيصل
لمياء : روقي اعصابك ...شوي وتكفخيني
ملاك : يعني ماتشوفين اسئلتك البايخه ....هذا وينه ماجاء ...الساعه 12 الا ربع وموعدنا 11 ونص
فيصل وراها : انا على الموعد ...بس انتي اللي تاخرتي
ملاك : بسم الله ...من وين طلعت
فيصل : ههههههههه ...يالله ترانا متاخرين
لمياء تدق ملاك اللي راحت بعالم ثاني عشان تروق
ملاك تتامل فيصل بكشخته اللي تفلق الصخر((واي ...واي ...ياحلاته ...يذوب ....آآآه ..شكلي بخق عنده ))
كان فيصل لابس ثوب وغترة وشله طالع جنااااااان لايق عليه ...ومطلع هيبته ورزته يعني بالعربي
الولد صاروخ ....
لميا تهمس باذن ملاك : افرحي افرحي ...شوفي كيف طالع يذبح ...يجنن الله يعين اكيد
البنات برقمونه الليله ...
ملاك تدقها : اسكتي ....
فيصل : ملاك ..مو ناويه تمشين
ملاك : يالله ...دخلوا المطعم ...وملاك ولمياء وفيصل مخيم عليهم السكوت
فيصل : تفضلوا ياله اركبوا ...السفينه مخيم عليها جو الرومنسيه والميوز الهادي
ملاك : يالله لمياء
لمياء : خايفه ياملاك ...ملاك وفيصل ضحكوا عليها
ملاك : لاتخافين يالله اركبي
لمياء: ومد يدي ويمسكها المصري ....يخسى مابقى الا هو
ملاك : لميوه لاتفشلينا
فيصل خلاص انا احلها ...طلع بمكان المصري ومد يده للمياء وطلعها وجاء دور ملاك
ملاك سرحانه بشكله اللي يسحر ...بثوبه الضيق والشماغ ...وطالع شكله نجدي بطوله ووسامته
فيصل : ملاااك ..........ملاااااااااااااااك
لمياء : البنت مو يمك
فيصل بصوت عالي : ملااااااااااااااااااااك..........صحت من سرحانه
فيصل : مطول مد لك يدي .....
ملاك : سوري ما انتبهت ...ومدت يدها ومسكت يده ....وراح وجهها الوان ..وساعدها ودخلوا السفينه
فيصل : لوسمحت طاوله 20 فين
الوتير : هونيك يا استاز ....
فيصل : تفضلوا ...صاروا يمشون لان الطاوله قريبه من نهاية الدور اللي يطل على الدور الاول
وهم ماشين ...تسمع ملاك ...همسات البنات على فيصل
1: شوفي هالولد ....يذبح
2: شكله متزوج ...شوفي زوجته
3: الا قولي صديقته ..ياخبله
4: اخ بس لو كان لحاله وربي لااعطيه الرقم ...حرام يضيع منا
ولعت ملاك من الغيره لو الحيا كان شدتهن من شعرهم ...وصلوا عند الطاوله ...سحب
فيصل الكرسي ..لملاك ...وبعدها للمياء ..مرت فترة سكوت على الكل ..قاطع هالسكوت
صوت جوال فيصل ((ياربي هذول ويشب يفكني منهم ))
فيصل : هلا ماجد
ماجد : وينك يانذل ...وين رحت وخليتنا
فيصل : سوري بس تذكرت عندي مشوار ..ضروري ...فضطريت اروح
ماجد : وتتركنا ناخذ تاكسي ....يالعن ام السحبه اللي سحبتها علينا
فيصل : حقك علي ...انا ادق عليك لما ارجع مع السلامه ...((فيصل لما كلم ملاك بالسوق تسحب من خوياه وسحب عليهم ....عشان يفتك من اسالتهم اللي ما تخلص ))...بعد ماقفل من ماجد دق فاهد واعطاه مشغول وقفل الجوال خير شر ...مرت فترة سكوت
لمياء : ويش الفايده جالسين ساكتين
ملاك: مافي كلام نقوله
لمياء : اجل ليه مكلفين على عمرنا وجايين هنا
فيصل بجراه:بصراح هانا عزمت ملاك عشان اتعرف عليها وتتعرف علي اكثر ...
لانها ماتركت لي فرصه اقول لها اسمي ....مدري كيف عرفته
ملاك : زي ماعرفت اسمي ....انحرج فيصل وسكت
ملاك : سوري ماقصدت احرج
فيصل : انا راح اقول كل شيء بصراحه ..انا عرفت اسمك لاني كنت اكرهك وحاقد عليك
وعرفت كل شيء عنك من الالف الى الياء اسمك وعائلتك وعدد اخوانك وشغل ابوك وشغل اخوانك ..وعرفت انك البنت الوحيده وكما امك متوفيه ..وانكم من المدينه
ملاك ولمياء متفاجئين يعرف كل شيء عنها
ملاك : مشاء الله عارف كل شيء عني
لمياء بسخريه :ماقصرت والله ...
فيصل : قلت لك لان كل همي كان الانتقام ...
لمياء : وكيف تحول هالانتقام الى حب
فيصل : بصراحه يا ملاك ...انتي قلبتي كل شيء بحياتي ..لما لحقتك بالسوبر ماركت ...وبعدين تاكدت من مشاعري لك ...لما صارت الهوشه بالسوق
ملاك : بس انت بالنسبه لي مجهول ...ما اعرف الا اسمك
فيصل : تبين تعرفين عني كل شيء ؟؟؟؟؟!!
ملاك : ياليت
فيصل : انا فيصل راشد ال....عمري 27 اشتغل بشركه ابوي وانا المدير التنفيذي للمشاريع
انا ثاني فرد من افراد عائلتي عندي اخين واختين ....انا من الرياض ..لكن جاي هنا بحكم الشغل بالشركه
ملاك : انت بالحالك هنا بجده
فيصل : ايه ..جالس ببيتنا اللي هنا الين اخلص شغلي وارجع الرياض
ملاك : معلومات حلوه ....بس شكلك ما يأهل انك تكون مسؤل عن شركه
فيصل: والله انك صادقه بس ابوي مسوي لي زحمه ..امسك وحده من الشركات ...نشب بحلقي اللين وافقت تحت ضغط منه
لمياء : يعني انت ولد راشد ال....المليونير
فيصل بتواضع : ههههههه ايه
لمياء ماتت ضحك .........................\ فيصل : ليه تضحكين
لمياء : بصراحه .......احس انه تشابه اسماء ...مو لايق عليك ابد
ملاك : ماعليك منها ......بس انا مايهمني كل اللي قلته
فيصل : اجل ويش يهمك؟؟؟؟؟؟!!!!!1
ملاك : يهمني هذا ,,,,,,((واشرت على قلبها ))
فيصل : تطمني ...والله ما حبيت مثلك ...احلف لك ...انك ملكتيني ...بس اخاف يكون حب من طرف واحد ...واتعذب ..انا من جد حبيتك ....وصرتي كل شيء بالنسبه لي
لمياء ((حست انها غلط بينهم وستاذنت وراح تتمشى بالسفينه ))
فيصل : يعني اذا كنت مو صادقه معي ...ارجوك قولي لي ...ولا تخليني اتعذب
ملاك: فيصل
فيصل : عيونه
ملاك : بصراحه انا ملت لك ...واعجبت فيك ...رغم اني كنت اتجاهلك ...بس بداخلي اموت عليك كنت استانس وانت وراي لكن ......وسكتت
فيصل : لكن ويش ...كملي
ملاك : لما قلت لك ابعد عني انت انقطعت عني ....كنت خايفه ماترجع ...بذاك الوقت تاكدت ان اللي كان بقلبي مكانه كنت خايفه احبك وتتركني ...اخاف تنتقم مني ..لكن انا متاكده اني ........اني
فيصل : انك ويش ؟؟؟؟؟؟!!!
ملاك : آآآآآ..........اااحبك....
&&&&&&&&&&&&&&&&&&&&&&&&&&&&&&&&&
اخييررررررا اعترفت ملاك لفيصل بحبها ...وكمان فيصل اعترف لها ....
باحداثنا الجايه
كيف راح تكون حياة ملاك بعد اقتحام فيصل لها ؟؟؟كيف راح تكون حياة فيصل بعد اقتحام ملاك لها ؟؟
كيف راح تكون احداث قصه الحب اللي بدت مع ابطالنا ؟؟؟؟؟
كيف راح يعيشون لحظاتهم .....؟؟؟
اخلاص وحب وعطاء ...متبادل
حنان ودفاء الاحضان ....انولد
همسات العاشقين .....بدأت
وحنين الاحباب .....قد سرى بليل العشق
وكلمات الاصحاب ...قد همت بالانطلاق
اقلعت طائره العشاق ...بسماء الحب ....وارض الامان
بمطر عطر الاجواء ....وورود اضافات اللمسات ....ونسمات تشفي الاسقام ....ورحيق ملئ الحياه بروح الامل والحياه والحب المحدود والامحدود
وقصتنا هاقد بدأت ....ولكن .....نعم ولكن ...اين ستهبط هذه الطائره
***********************
يــــــــــتــــــــــــــبـــــــــع