[عبدالله الطنيني]

[align=center]تسمحون لي بهذه الغزليــّة بارك الله فيكم

(غزاني الشيب)[/align]

[poem=font="Simplified Arabic,6,#FF007B,bold,normal" bkcolor="" bkimage="images/toolbox/backgrounds/29.gif" border="inset,4,#400000" type=1 line=0 align=center use=ex num="0,#400000"]
يالي لبعـده شربـت المـرّ واسقانـي=كاسٍ من الهجر منه الـروح جزّاعـة
ذكراه في الخافق المنصـاب تبرانـي=مثل الخناجر بوسط الجـوف قطاعـة
في القلب يبقى وحيـدٍ مامعـه ثانـي=على شواطي فؤادي نصّـب اشراعـه
آخاف لاكـون انـا احبـه ويشنانـي=يجنـى عليّـه ينفـذ غايـة اطماعـه
ياصالح اليوم تكفى صـرت وحدانـي=غزاني الشيـب مالـي منـه شفّاعـة
من وحشة البعد والفرقـى والاحزانـي=كني غريـبٍ بقفـرٍ كثـرت اسباعـه
أنا قتيـل المحبّـه واعـرف الجانـي=وش حيلة الي صريعٍ قاصـرٍ ياعـه ؟
من وادي الحب وادي الموت ياخوانـي=ياحظّ مـن لقـي مخراجـه وميزاعـه
هذا نصيبـي علـى لخطـار ودّانـي=أدوّر الّـي عليـه الـروح ملتـاعـة
الفكر في صورتـه شـارد وتيهانـي=محتـار مـا بيـن تفريقـه وجمّاعـه
فيه الغزل فيه عذب الشعـر والحانـي=وصفه يحيّر بنـات الفكـر واسناعـه
لهف الحشايـا رقيـق الطبـع فتّانـي=دونه تقصّـر حـروف الشِّعروابداعـه
ثغره طبيعـي توشّـح بالـدم القانـي=واسنان منهـا ينـوظ البـرق لمّاعـه
له منطقٍ فـي جمـال اللفـظ خلاّنـي=أعطيه قلبـي لعلّـه يشفـي اوجاعـه
شفت الندى ينبعث من حُمـر لوجانـي=ويسقي الورد لو شـاف الظمـا لاعـه
والخشم خنجـر صقيـلٍ وار عُمانـي=أغلى من الماس من يشريه ما باعـه
واشقر كثيفٍ تحـدّر فـوق الامتانـي=قل يا خيوط الذهب صاغـوه صُنّاعـه
والعنق عنـق الضّبـا لافـزّ تيهانـي=من فـزّة الخـوف والرّمـاي تبّاعـه
والصّـدر بستـان تفـاحٍ ورمّـانـي=متضايقٍ مـن ثمـاره حـان وزّاعـه
له ناظرٍ بالحـوَر والسِّحـر فاجانـي=يالُجّـة البحـر لمّـا فِتْـح مصراعـه
ما حـقّ يازيـن تهجرنـي وتجفانـي=وانا الذي لك بذلت السمـع والطاعـة
بمثل ما ارعى شعورك حـقّ ترعانـي=معك وداعـة جريـحٍ خافقـي راعـه
ضمِّد جراحي بلطفٍ منـك واحسانـي=عساني آراك قبل المـوت لـو ساعـة
عوّض سنينٍ بهـا سبّبـت حرمانـي=من لذة العيش ذقـت المُـرّ بانواعـه
عليك ساعر لهيب الشـوق يصلانـي=أقـوى لهيـبٍ مـن النيـران لذّاعـه
ياريـم خلّـك تنـومـي لا تحـدّانـي=لوكان في الشرق عيشك طابت اوضاعه
خلّك معـي وانتهنّـا عيشنـا الهانـي=عيش الهنا في سراة الحجر وخُزاعـة
بنيت لك مسكنٍ فـي عمـق وجدانـي=طاريـك يحتـل منزالـه ومطـلاعـه
والي يصون الوفا كلّـه علـى شانـي=مانـي مجازيـه بالهجـران وقْطاعـة
لكنـي اجـزاه بالمعـروف عرفانـي=والشأن شأني وباقـي النـاس نفّاعـة [/poem]

ديواني أناشيد المجد المنشور ص (107)

[align=center]وسلامتكم يا كرام[/align]


__________________