{ياخوك}
لن بلغوك الربع اني توفيت
ارجوك حلل موتتي وارتثيني
مالي بعد ربك رجا لو تغاضيت
ذنبي معك ياخوك ضاعت سنيني
انت الوصي عقبي اذا ماتناسيت
جرح الصداقه حال بينك وبيني
ياخوك تكفى دامني لك تعنيت
هاك الوصايه وادفن اعذب حنيني
ابغيك لامن عن عيونك تواريت
اذكر سنيني بالوفا ياضنيني
قل للربع اني بزلات اخطيت
وان الفراق اللي حصل كان زيني
ماودي العالم تشوفك بلا صيت
اخاف عقبي انت تصبح مهيني
ولا انا دامي بقبري تدفيت
ماهزني منهم كلامٍ مشيني
جرحي معي بالقبر ساكن وله بيت
وش حدني للناس يامحتويني
اللي بغيته والهدف منه ابديت
ابغيك ياصاحب لقبري تجيني
تمسح تراب القبر لامن تسليت
ارجوك بعد الموت لاتنتسيني
تعال وادعيلي اذا قمت صليت
واشكي لي المولى بقايا ونيني
جايز تخفف عنك ذنبك اذا جيت
ويعيش ذاك الورد للذاكريني
قولة شريعه مابها قول ضنيت
وصيت الميت لها منك ديني
الحقوق محفوظه
للشاعر :عبدالرحمن ابراهيم الزهراني