عرض مشاركة واحدة
قديم 21-03-2016, 01:56 PM   #29
نسيم السروات
مراقبة التراث وسوالف الاولين
 
الصورة الرمزية نسيم السروات
 







 
نسيم السروات is on a distinguished road
افتراضي رد: قصة من تاليف اعضاء المنتدى ..😁

وشوية الا يمر من عندهم واحدن غريبن مااحد يعرفه
وقال وشمعكم متولفين؟؟




طلع ذالرجال.... >>>

8
8
8

هنا وقفت القصية


طلع ذا الرجال واحدن من ويلا تهامة طلع السراة يبغى سوق الربوع معه ثلاثة من الجفار مربطة في حبلن معه

وشاف ذا المغزلة متولفين تقول معهم فته يأكلونها قال يالربع وين سوق الربوع أبيه وصاني أطلع

بتية الجفران أبيعها جوف السوق وأعود بكرة ما ودي اتوخر عن الشيبه عينه بيه بيخبطني وإلا بيخليني

أبات جوف السفل مع الغنم والهوش .

والله وجوك المغزلة وتلمحوا في تاك التيوس اللي الواحد منها تقول غزال بينفقع من النعمة

وفكروا في خطة يتعشون أو يتغدون على واحدن من تاك التيوس . << عاد تيوس تهامة ما تقاوم

قال الصابة ذاك اللي أسمه سحمي ماعد معك ولا سوق اليوم لكن بكرة وخير تعال بات عندنا

وبكرة غبش بجفرانك سوق الربوع والله يلقيك خير .

المهم خلو ضيفهم لين تقهوى وأنبسط وجالس يتهرج مع أبو سحمي وفجئة طقوا الصائح يوه يوه يوه

أفزعوا بالسكين قوام هات السكين وبدا التهامي من عرض اللي قاموا يتلمح وش الخبر يوم بدى وإلا

واحد من تيوسه يتمرغ في دمه ويترتح وقد ذكاه سحمي بسكينة معه قام التهامي يصيح ويليح هويه

تذبحون جفريه حسبي الله عليكم يالحرامية هو كذيه وش سويت بكم قال أخذلك الله والله لو ما لحقنا على

ذكاته أنه ليحرج لأن معنا حمارة قشرى جاء تيسك يشاركها في العلف اللي تأكل منه وقامت ورتحته رتحة

أردته دائخن حتى ما عرف يهذي منها شكلها فقعت قلبه ضعيفن وقام يتلوى من الوجع ولحقت عليه وذكيته

أن كان ودك نطبخة ونتعشى عليه أنحن وأنت فالله يجزاك خير وأن كان ما ودك فخذ تيوس ولحمك وأنزل تهامه

الله يلقيك خير .

وجاك التهامي ضعيفن يتعيا ويعيا وش يسوي بعمره والخوف من أبوه بقطع قلبه.

قال خلاص كلوه يا عفاريت أهو لكم وللجن لكن دخيلكم علموني وش أسوي مع بيه وش أقوله

قالوا بسيطة قل ميده أني يوم وصلت رااااااس العقبه طحس واحد من التيوس ولا وقع إلاأسفل العقبه

وتنتف لحمه نتفه نتفه وهذا اللصار .

____________________

يالله نبي أحد يكمل القصة وش سوى التهامي مع أبوه وكيف أبوه استقبل الخبر وهل صدق أم لا .

ـــــــــــــــــــــــــــــــــــــ
التوقيع
أخر مواضيعي

التعديل الأخير تم بواسطة نسيم السروات ; 21-03-2016 الساعة 02:02 PM.
نسيم السروات غير متواجد حالياً