[عبدالله الحديبي]

اول بداية للسعودي مع الروس
هذي لها بُعد : رياضي / سياسي

كانها تعطي الدول باسمنا دروس
وتذكر اللي ب التواريخ ناسي ..

السالفه : ماهي مباراة وكووس
السالفه : ( كرسي مابين الكراسي )

سر يا وطن بشعار ماهوب منكوس
موقعه من فوق الجبال الرواسي

وطن مجدد - دونه اجساد ونفوس
وصل على القمه بوقتٍ قياسي #

وطن بذكر الله وهداه محروس
من الفتن والخوف ومن المآسي

وطن وهبه الله ل ( معانِد الروس )
سلمان : راعي راس صلبٍ وقاسي

العزم سهمه والطناخه كما القوس
ويدين شبله ما تصيف النواصي

شبله محمد فيه الاقدام مغروس
نسخة معزي بالعقل و الحماسي

وفي رؤيته خير البلد صار مدروس
والاحتياطي صار مثل الاساسي

يا سيدي سر والملوك اللي جلوس
توقف مهابة / يا صعيب المراسِ

والشعب رهن اشارتك دوس وندوس
حنا معك ،، للخير و الا ل باسِ *

دون الوطن نشري المنيّات بفلوس
فالبر والا الجو والا المراسي ..

اهم شي : المملكه تنطح الروس
ويبقى لها كرسي ما بين الكراسي

عبدالله الحديبي