[العندليب]

طيب ..
نعود ..

<< كنت الدعوة عاجبتك ..
رمضان زمان والبراءه ..

مساء يوم 29 من شهر ثمانيه ..
نجلس كلنا نتحرا ماجد الشبل الله يذكره بالخير ويشافيه ويعافيه من كل شهر ..
العموم فاغر في التلفزيون .. نتظر إعلان رمضان هو بكره والإ بعده ..
أول مايقولون رمضان بكره ..
تجيني غزلة الزهارين .. أقعد أناقز .. رمضان بكره هيه هيه رمضان بكره هيه هيه ..
وأروح عند جدتي وأقلها ياجده رمضان بكره ..
ذاك اليوم أمي الله يحفظها تكون مريخه لحمه والإ دجاجه للعشاء
زمان أاااه من زمان كان أطلق خروف ب 400 ريال خذ وذكه عند البيت
المهم
نتعشى ونعين من الله خير ..
ونرقد بدري عشان نقوم للسحور

عاد شوفوا أول سحور في رمضان
اللي يضرب براسه في الباب
واللي كنك ساحبه مع أذايه ماوده يقوم << ماهو أنا
سحور سريع وكل واحد يشوف الطراحه قدامه مايصدق يصلي الفجر
بكره دوام ..

عاد أنتوا عارفين الدوام في رمضان ..
كل واحد بمسواكه وفي غير رمضان ماقد مسكه



نرجع من المدرسه ..
مافي نوم
مخدات ونتسدح تحت التلفزيون ..
وننتظر بابا فرحان تذكرون يوم ضاعوا في الجزيرة أخر جزء شفته ..
بعدها نسرح نتمسوك

نرجع قبل المغرب بدقائق
تحس الواحد مايبغى يجلس في البيت وهو صايم ..
يأذن المغرب << نتناقز أول الأيام على عصير التوت والبرتقال قبل التمر والقهوه


وياعيني ..
الفطور دفعه وحد ..
مو زي الحين .. أول حلا وبعد الصلاه كمل
المهم ..
صحن السمبوسه فاضي هذا أول الأيام والأيام الأخير نتعازم عليها

نفطر ..
ونقعد عند التلفزيون نتحرى عامر الحمود مع طاش ماطاش
أيام عامر كان لها طعم والحي مع عبدالخالق الغانم شامزه

ضحك ووناسه وتسليه ..

ورمضان كريم يأخوانا ...



تحرونيه باجيكم .. بس بكره والإ بعده

يوووه نسيت أني مسافر ..

وداعة الله

سلااااااااااااااااام