هلت تباشير الفرح ليلة العيد = الله يهني كل غالي بعيده
ويجعل ايام السعاده بتجديد = وكل ليله في حياته سعيده
توفقه باجر الليالي المساعيد = وتعطيه فالجنه مناه ووعيده
في يوم فيه الخلق كله مشاهيد = الله وكل اشهاد خلقه شهيده
يالله توفقنا على خير ماتريد = وكل من يقصدك بالخير زيده
يالله وردنا لعذب المواريد = وتجعل أعمار الحبايب مديده
اهل الوفا اصل الرجال الاجاويد = اهل النوايا والخصال الحميده
وكل عام وانتم في سلامه وتمجيد = الله عليكم يا حبايب يعيده
راشد الجمعان ( المحيط )