[خالد بن منشار]

[poem=font="Simplified Arabic,5,#0024FF,normal,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
مدري وش الّي باقـيٍ تذكرينـه = هل ياترى باقي من الحب ذكـرى
ان كان حبي مات واقفت سنينـه = حبك بقلبي ماخـذا البعـد عـذرا
رغم الفـراق وسالفتـه اللعينـه = ماهز احساسي من الخلق مكـرا
يوم احرموني منـك ظلـمٍ بعينـه = يوم اقتلوني واطعنوا الحب غدرا
هم كبّلوني في سجـونٍ حصينـه = ثم ادفنوني حيّ في جـوف قبـرا
ماحست اقلوب البشـر بالطعينـه = كنّ البشر مخلوق من لبّ صخرا
يالوعـةٍ بيـن الجـروح الدفينـه = ياصرخةٍ دوّى صداهـا بصحـرا
ان عشت ماني حيّ والموت وينه = وان مت مامات الوفا وانتي ادرى
مسكنك في قلبـي ياليتـك ترينـه = بين الحنايا مسكنك صار قصـرا
حبك بقلبـي لـه علاقـه متينـه = لا مانسيتك ولا على البال يطـرى
ياكيف ابنسى جوهـرك يالثمينـه = يادرّةٍ من نورهـا البـدر يثـرى
اعزف لك الحانٍ بقلبـي حزينـه = لو تسمعيها؟ مابقى فيـك صبـرا
كم ليلـةٍ ابكيـك حـزن وغبينـه = ابكيك في صمتي وأبكيك جهـرا
العيد؟ عندي حلم وانتـي تجينـه = وآقول ليت الحلم يصدق ببشـرى
اموت في وقـتٍ جمعنـا حنينـه = يومك بحضني تنثري الشوق جمرا
لاضاق صدري واشتكا من انينـه = تجين بحساسك وكل جرح يبـرى
كنتي معي والروح بيدك رهينـه = وللحين روحي معك وتظل دهـرا[/poem]