[صالح بن فارس]

بسم الله الرحمن الرحيم

خرجت من أوراقي المتبعثرة هنا وهناك ، بطلب من أخي وحبيب قلبي أبو وتين ....

عسى أن تنال إعجابكم ..

[poem=font="Simplified Arabic,5,,bold,normal" bkcolor="transparent" bkimage="" border="none,4," type=0 line=1 align=center use=ex num="0,black"]
الحبر شاب وأبيض الصفحه صبغ = يا حرف ماتت في معانيك السطور
حتى القلم مستوطن بداره صمغ = يوم الأصابع عافت أنفاسه شهور
ألمح خيالك وسط دخان التبغ = واستنشقك (سيجار) بأحضاني يدور
لامن حكيت القاف فاسمعني واصغ = الله يعين القاف ويعين البحور
دام الوصف والمدح للغالي فصِغ = أجمل بيوت الشعر لعيونه تزور
العشق خلي وما على وصوفه نبغ = كود الجمال اللي بخدينه حضور
ياللي جمالك كون بالرمش انمضغ = عفتيه يومن ما شبع فيك الغرور
حتى كرم الاخلاق بيديك اندمغ = لين أصبح الوجدان يختال امسرور
ما يشفي المقتول من رمشك مصغ = من صنّعه عالم في الطب ادختور
وما اقول به غيرك من العالم بلغ = المنزل اللي معتلي فوق الشعور
وش عاد ينفع هالقلم لامن فرغ = الحبر من وصفك على جال السطور [/poem]


وسلامتكم ؛؛