[محمدابراهيم السيالي]

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=3 line=1 align=center use=ex num="0,black""]


الله ياوالدي يكتب لك الخير والعمر الطويل=
كان سميتني سلطان واخوي سميته مشاري=
واخترت الوالده حصه والاخوات ساره والعنود=
واخترت اخوالي العجمان والا من ارواس ال مره=
ليتك خليت سياله وحليت في روضة سدير=
كان سرنا سعوديين باالاصل ماهو باالبطاقه=
كان سرنا من اعيال المناصيب واعيال الشيوخ=
كان علمتني في جامعات العلوم اعلى حسابك=
ثم جيتك وانا عندي شهاده بتقدير امتياز=
والله مادامك ابويه فلاني مفكر باالوضيفه=
كان عينتني في بيتنا والو ضيفه مستشار=
بعدها بلبس البشت الحساوي وباميل عقالي=
ماعلينا خلاف الخير موجود والدنيا بخير=
لكن احرمتني يابوي حتى من ايام الطفوله=
اكثر الناس يذكرها وانا مااكره الاذكرها=
كانو الناس قدامي على خير واحنا في مشقه=
لعبنا بالحصى يوم اكثر الناس تلعب بالفلوس=
كنت حتى نهار العيد مابقدر اجفف دموعي=
لن بويه فقير الحال ذالعام ماخذلى ثياب=
كنت حتى وانا في المدرسه مااقدر استوعب ولاافهم=
لني وقت الفطور اقعد في الفصل ماعندي ريال=
ثم خذنا شهادة سادسه واكتفينا وانتهينا=
قلت برمي ثياب الفقر واروح اكتب عسكري=
وانتضرنا ثلاث اعوام حتى دخلت العسكريه=
لني مسكين ماعندي دراهم ولاشي واسطه=
المهم اني اتعينت جندي في الجيش السعودي=
سرت فرحان يوم الراتب الفين والخدمه شهر=
جاني الوالد اللى عشت ذاك الزمن في تحت ضله=
قال يابوك ماودك تعرج على رد الجميل=
اثقلتنى ديوني مامعي بعد ربي غير جودك=
انا من دونكم ماني بقادر لتسديد الديون=
غير يابني دخيلك قابل العم بوصالح وسدد=
لن بوصالح افضل من يدين ورجالن سمح=
رحت للعم بوصالح طلبناه نقل الكمبياله=
قلت ياعم هات الدين ماعند ابي في ذمتي=
قال ياابني ترا ماودي ادهورك بااول حياتك=
لن من يبتدي بالدين مايتركه حتى يموت=
قلت ياعم انا من يوم عمري سنه وانا مدهور=
المطر مايزيد البحر وايضا الدلي ماتنقصه=
قال لى عند بوك اثلاث ميه وخمسين الف صافي=
قصدي الفين راس الشهر يابوك لاتبطي بها=
وابتدينا معاناة الديون الذي ماخذت منها=
وقعدنا حوالى عشرة اعوام وانا اخدم شرف=
خلصت العم بوصالح واذ والدي يشكي ضروفه=
قال يابوك سدد ماتبقى لبنك التنميه=
من يلوم الذي في نجد لوحب كف ابوه وامه=
والله ياوالدي لوعاش في نجد لا احب اقدمه=
والله ياوالدي لوعاش في نجد لا احب اقدمه=[/poem]